Marakaibo (lidn)

Vikipedii
Mine navigeerimisribale Mine otsikasti
Marakaibo
Maracaibo
 Lidnanznam
ESC-V-Maracaibo.svg
 Flag
BAND-V-Maracaibo.svg
Valdkund Venesuel
Eläjiden lugu (2013) 2 001 591 ristitud
Pind 550 km²
Marakaibo Maracaibo
Pämez' Villi Kazanova
(tal'vku 2 017—)
Telefonkod +58-261
Aigvö UTC-4:30


Lidnan kart (2016).

Marakaibo (isp.: Maracaibo [maɾaˈkaiβo]) om Venesuelan järed meriport, kahtenz' lidn eläjiden lugun mödhe. Se om Sulii-štatan administrativine keskuz.

Istorii[redaktiruida | redaktiruida purde]

Nügüdläižen eländpunktan aluz om pandud 16. voz'sadal severz'-se kerdad, saksalaižil kuti Noi-Nürnberg (saks.: Neu Nürnberg, 1529−1546), sid' ispanijalaižil kuti Nueva-Samor (isp.: Nueva Zamora, vll 1569 i 1574). Ezmäi indejižed heimod tegiba londoid verazmalaižiden žilho, sid' kaikel 17. voz'sadal merirazbainikad anastiba meriportad. Nell' voz'sadad alusenpanendan jäl'ghe saihe lidnhasai vaiše meritel.

Marakaibo šingotaškanzi kivivoin löudmižen jäl'ghe vl 1917 eksportiruimha sidä. Nened sarakod ratas lidnas: kivivoin da sen produktoiden transportiruind, kivivoin ümbriradmine, sauvondmaterialiden pästand, tekstil'edheotandad, sömtegimišt.

Geografijan andmused[redaktiruida | redaktiruida purde]

Lidn sijadase valdkundan lodehes, sal'men 8..10 km levette päivlaskmaižel randal, 6 m ü.m.t. keskmäižel korktusel. Sal'm ühtenzoitab ühtennimižen järven vezid Kariban meren Venesuelan lahtenke. Avtotesild om saudud sal'mes päliči vll 1958−1962.

Klimat om räk kuivahk. Kun keskmäine päiväline lämuz om +27..+29 C° vodes läbi. Paneb sadegid 580 mm vodes, kuivsezon oleskeleb vilukus-keväz'kus (14 mm pordos).

Marakaibo jagase 18 nimitadud tulendaks.

Eläjad[redaktiruida | redaktiruida purde]

Vl 2001 eläjiden lugu oli 1 220 000 ristitud. Kaikiš suremb ristitišt om nügüd'.

Transport[redaktiruida | redaktiruida purde]

Avtobusad i maršruttaksid oma kundaližeks transportaks. Tramvaid ajadas lidnan palas turistoiden täht päpaloin. Vspäi 2006 kebnan metron jono radab (vspäi 2009 om 6 stancijad, 11 km raudted).

Rahvahidenkeskeine Činita-lendimport (MAR, 2,8 mln passažiroid vl 2008) sijadase 15 km suvipäivlaskmha lidnan keskusespäi. Sišpäi tehtas reisid Panam-lidnha i Majamihe, mugažo Venesueladme.

Homaičendad[redaktiruida | redaktiruida purde]