Mrongovo

Mrongovo
Mrągowo

Lidnanznam	Flag
Valdkund	Pol'šanma
Eläjiden lugu (2025)	19,084 ristitud
Pind	14,80 km²
Pämez'	Stanislav Bulajevski (kül'mku 2018—, Stanisław Bułajewski)
Telefonkod	+48−89
Aigvö	tal'vel UTC+1, kezal UTC+2

Lidnan kart (2013)

Mrongovo (pol'š.: Mrągowo [mrɔŋˈɡɔvɔ], vhesai 1947 Ządźbork [ˈʐɔɲd͡ʑbɔrk]; saksan kelel: Sensburg [ˈzɛnsbʊʁk]) om kurortlidn Pol'šanman pohjoižpäivnouzmas. Mülüb Varminiž-Mazuran sodaveikundha.

Istorii

Eländpunktan aluz om pandud vl 1348, istorine nimi om Sensburg pol'šan Ządzbork-versijanke. Se sai lidnan oiktusid vl 1444. Raudte tuli lidnha vl 1897. Vl 1947 udesnimitihe lidnad 19. voz'sadan Pol'šanman Kšištof Mrongoviuš-filosofan da kašuban kelentedomehen oiktastuseks.

Mrongovo šingotase turizmal da torguindal, mugažo industrijan nenil sarakoil: sömtegimišt (maid, kalaižanduz), punümbriradmine (mebel', iknad), omblendtegmišton «Varmii»-tegim, maižanduzmašinoiden pästand (traktorad, metallurgine tegim).

Geografijan andmused

Lidnan sijaduz sodaveikundas i valdkundas vn 2007 kartal

Lidn sijadase sodaveikundan keskuzpalan päivnouzmas, Mazurijan järviden rajonan keskes, 20..200 m ü.m.t. korktusil. Suremb järv om Čos (pol'š.: Czos, saks.: Schoss-See) lidnan suvipäivnouzmas, 2,8 km² pindal.

Matkad sodaveikundan Ol'štin-keskushesai om kuz'kümne kilometrad päivlaskmha.

Klimat om ven. Voden keskmäine lämuz om +6,7 C°, heinkun lämuz om +17,2 C°, vilukun — −3,5 C°. Paneb sadegid 450..600 mm vodes.

Eläjad

Vl 2016 lidnan eläjiden lugu oli 21 592 ristitud, vl 2020 — 21 302 ristitud. Kaikiš suremb lidnan ristitišt oli vll 1999−2020, se vajehtihe 21..22 tuhad eläjid röunoiš.

Jaugvägiden sodapalakundad baziruihe lidnas vll 1719−1954, harjoituzkeskuz i sodasidonikoiden openduzkeskuz radoiba vll 1955−2002. Nügüd'aigan kazarmad oma municipaližed sauvused vai mödud.

Galerei

• 
  Lidnan tobmuden sauvused (2007)
• 
  Ph. Honorat Koz'minskijan jumalanpert' (riman katoline), vn 2009 nägu
• 
  Vesternoiden Mrongoville-lidnut vl 2012
• 
  Kul'turan da turizman keskuz (vn 2005 olend)
• 
  Sportkeskuz (2015)
• 
  Pirs Čos-järvel vl 2012

Sebruzlidnad

• Pol'šanma Limanov, Pol'šanma (vn 2006 redukun 2. päiväspäi)
• Saksanma Grünberg, Hessen, Saksanma (vn 1992 redukun 12. päiväspäi)
• Venäma Zelenogradsk, Kaliningradan agj, Venäma (vn 2011 sulakun 9. päiväspäi; vl 2022 kosketused oma seižuhtadud Venäman polespäi)

Irdkosketused

• Lidnan oficialine sait (mragowo.pl). (pol'š.)