Pazjaren küläkund

Küläkundan sijaduz rajonas i röunad

Pazjaren küläkund (ven.: Сельское поселение Пяжозерское) om venän i vepsän küläkund Vologdan agjan Babajevon rajonan pohjoižes-lodehes. Sen administrativine keskuz om Pazjar-žilo, sijadase küläkundan suvipäivnouzmas.

Istorii

Küläkund om sätud vn 2006 1. päiväl vilukud enččen Pazjaren külänevondkundan territorijal. Pind om 1394,05 nellikkilometrad. Kaik koume žilod (toižed oma Kalažm i Alanožem) da ühesa küläd mülüdas küläkundha.

Geografijan andmused

Pazjaren küläkund röunatab:

• Vepsän rahvahaliženke küläkundanke päivnouzmas,
• Keskuzliženke küläkundanke suves,
• Leningradan agjanke päivlaskmas (Tihvinan i Kos'kenaluižen rajonad),
• Vitegran rajonan Koštugin i Šuštan küläkundoidenke pohjoižes.

Nened vezištod sijadasoiš municipalitetan territorijal: Pazjar, Linžjärv, Nažmjärv da tž., jokstas joged: Nožem, Pazjogi, Kalažm-jogi, Logjogi, Sarožk. Ojat'-jogi zavodiše Čaimjärves küläkundan lodehes, kus Vepsän ülüden pala seižub.

Eläjad

Lehmiden kogo Pazjar-žilos vl 2017

Vn 2010 kaiken Venäman rahvahanlugemižen mödhe küläkundan eläjiden lugu oli 1106 ristitud (rajonan kaks'kümnendez), heišpäi 693 ristitud elihe Pazjar-žilos. Vodele 2017 ristitišt poleni i tegihe 890 kaikenaigašt eläjad.

Irdkosketused

• Küläkundan oficialine sait (пяжозерское.рф). (ven.)