Pohjoižen rahvahiden institut
Pohjoižen rahvahiden institut (lühüdašti PRI, ven.: Институт народов Севера) — üks'jäine üläopendusen aluzkund Venälaižes Federacijas, kudamb vaumičeb pedagogižid da tedoližid radnikoid enamba mi 30 Pohjoižen, Sibirin da Edahaižen Päivnouzmpolen igähižen vähäluguižen rahvahan täht kogonaz, ühtes sijas.
Institutan aluz om pandud vl 1925 Leningradan valdkundaližen universitetan Pohjoižeks institutaks.
Nügüd'aigan institut om Gercenan nimel nimitadud Venäman valdkundaližen pedagogižen universitetan (VVPU:n) palaks.
PRI sijadase Stačkiden prospektan 30. pertiš (Piterin Kirovan rajon). Se om enččen školan pertiden kompleks, saudud vll 1930−1932 Igor' Fomin-arhitektoran ohjandusen al, konstruktivizman stiliš.
Institutan direktor — L.B. Gašilova, hän om filologijan kandidat da docent.
Istorii[vajehta | vajehtada tekst]
- 1925 — sätihe Leningradan valdkundaližen universitetan Pohjoine institut.
- 1926−27 akademižel vodel — pohjoine palakund anttihe Leningradan päivnouzmpol'žen institutan mülükundha. Se palakund oli kuti tedokund NSTÜ:n pohjoižiden da päivnouzmaižiden rahvahiden ezitajiden täht, mugažo Mongolijan da Tibetan üläopenikad openzihe sigä[1]. Mugoine pohjoine tedokund oli olmas 3 vot. Se sijazihe enččen Hengeližen akademijan (sauptud vl 1918) pertiš nomer 7 Obvodnii-kanalan randal.[2]. Vl 1929 oliba opendamas tedokundas 292 ristitud.
- 1929 — Leningradan valdkundaližes pedagogižes institutas (LVPI) zavottihe opendajiden vaumičendad sädamha pedagogižid kadroid pohjoižiden rahvahaližiden školiden täht, igähižiš rahvahiš ičesazepäi. Erazvuiččil vozil nece PVPI:n palakund oli tetab kuti Pohjoižen rahvahiden palakund da Edahaižen Pohjoižen rahvahiden tedokund. Voden 1929 lopul institutan opendajad säiba Ühthišt pohjošt kirjamištod[3].
- 1930 — Pohjoine institut sai ičeohjandusen da uden nimen — VCIK:an Pohjoižen rahvahiden institut. Neciš institutas vaumitihe radnikoid kesk- da üläkvalifikacijanke NSTÜ:n partijan da kul'turan sauvomižen täht, radon kooperativas da kolhozas täht, Pohjoižen tegimišton täht, sen ühtes tedoradnikoid-ki. Tegihe tedoassociacijad Pohjoižen rahvahiden institutas sädamha Pohjoižen rahvahiden kirjkelid da openduzkirjoid mamankelikš.
- 1941 — Suren sodan tulendan tagut VCIK:an Pohjoižen rahvahiden institut lopi ičeze radod kaikeks igäks.
- 1942−45 — Institut kut-se radoi Omskas.
- 1953 — Leningradan valdkundaližen universitetan Pohjoižen institutan kollektiv mülüi LVPI:ha.
- 2001 — Edahaižen Pohjoižen rahvahiden tedokund sai nügüdläšt statusad, Pohjoižen rahvahiden institut Gercenan nimel nimitadud VVPI:n palaks.
Kafedrad[vajehta | vajehtada tekst]
Kaik om nell' kafedrad:
- Altajižiden keliden, fol'kloran da literaturan kafedr.
- Etnokul'turologijan kafedr.
- Paleoazijalaižiden keliden, fol'kloran da literaturan kafedr.
- Uraližiden keliden, fol'kloran da literaturan kafedr.
Keled, kudambid opetas da tedoitas institutas[vajehta | vajehtada tekst]
- paleoazijalaine kel'kanz: aleutan, čukačun, eskimosan, itel'menan, jukagiran, ketan, koräkan, nivhan.
- samodine kel'kanz: encan, nencan, nganasanan da sel'kupan keled.
- suomalaiž-ugrilaine kel'kanz: hantin, mansin, saamen da vepsän keled.
- tungusan da mandžuran kel'kanz: evenan, evenkan, nanajan, orokan (ul'tine), udegen da ul'čin keled.
- türkan kel'kanz: dolganan kel'.
Galerei[vajehta | vajehtada tekst]
-
Suvipertinoc -
Pohjoine pertinoc -
Päivnouzmaine suug -
Sömsija
Homaičendad[vajehta | vajehtada tekst]
- ↑ Кононов А.Н., Иориш И.И. Ленинградский Восточный Институт. Страница истории советского востоковедения. — М.: Наука, 1977. (ven.)
- ↑ Смирнова Т.М. Ленинград — центр просвещения народов Севера в 20-30-е гг. ХХ в. / Utopiya.spb.ru. (ven.)
- ↑ Grenoble Lenore A., Lindsay J. Whaley. Saving Languages: An Introduction to Language Revitalization. Cambridge, Cambridge University Press, 2006. — Lp. 73. ISBN 0-521-81621-1. (angl.)
Irdkosketused[vajehta | vajehtada tekst]
- Pohjoižen rahvahiden institut Gercenan nimel nimitadud VVPU:n oficialižel saital (herzen.spb.ru). (ven.)
 |
Pohjoižen rahvahiden institut Vikiaitas |
Edesine lugemine[vajehta | vajehtada tekst]
- Anglijan kelel
- Isa(y)ev M.I. National Languages in the USSR: problems and solutions. Moscow, Izdatel'stvo Progress, 1977.
- Venäkelel
- Алькор (Кошкин) Я.П. Письменность народов Севера. — Л.: Институт Народов Севера, 1932.
- Единый северный алфавит (проект), Дальневосточное общество краеведения. Этнологическая секция. — Хабаровск: Издательство Общества краеведения, 1930.
- Цинциус В.И. Развитие письменности и литературы народов Севера за 25 лет // Сборник в помощь учителю школ Крайнего Севера. — No 6. — Л.: Учпeдгиз, 1956.
- Цинциус В.И. Родной язык в начальных школах народов Крайнего Севера // Просвещение на Крайнем Севере. — Pästand 15.
- Цинциус В.И. Родной язык в начальных школах народов Крайнего Севера. Л., 1958.
- Язык и письменность народов СССР. Стенографический отчет 1-го Всесоюзного пленума Научного совета ВЦК НА 15-19 февраля 1933 г. // Под ред. К. Алавердова, Л. Диманштейна, Д. Коркмасова, А. Нухрат. — ВЦК НА, 1933.