Prabhas

Prabhas
telug.: ప్రభాస్
Prabhas «Baahubali»-fil'man prezentacijal Mumbaiš, vn 2015 kezaku
radmižen toižend:	akt'or
sündundan dat:	23. reduku 1979(1979-10-23) (44 vot)
sündundan sijaduz:	Čennai, Indii
valdkund:	Indii
tat:	Uppalapati Surya Narayana Raju[d]
Prabhas VikiAitas

Prabhas, todesine nimi om Venkata Satjanarajana Prabhas Radžu Uppalapati (telug.: ఉప్పలపాటి ప్రభాస్ రాజు, hindi: प्रभास राजु उप्पालापाटि, angl.: Venkata Satyanarayana Prabhas Raju Uppalapati; sünd. 23. reduku 1979, Madras, Tamil Nadu, Indii), om indijalaine akt'or. Fil'mdase telugukel'žiš fil'miš tobjimalaz.

Biografii

Prabhas om sündnu Madras-lidnha, Uppalapati Sur'ja Narajana Radžu-kinoprodüseran i hänen Siva Kumari-akan pereheze. Prabodh-veik i vanhemb Pragati-sizar oma akt'oral. Voziden 1970−1980 populärine Tollivudan Krišnam Radžu Uppalapati-akt'or om Prabhasan däd'.

Om Sri Čaitanjan kolledžan pästnikan (Haidarabad) tehnologijan bakalavr-arvonke. Naimatoi akt'or tähäsai.

Valitud fil'mografii

• «Išvar» (2002) — Išvar
• «Raghavendra — pühä saldat» (2003) — Raghava
• «Vihm» (2004) — Venkat
• «Varjoičii» (2005) — Šivadži / «Varjoičii»
• «Täuz' kudmaine» (2006) — Šiva Kešava
• «Billa» (2009) — Billa da hänen Ranga-kaks'nik
• «Üks'jäine händikaz» (2009) — Čotu
• «Kalliž naine» (2010) — Prabha
• «Vigatomuz-ižand» (2011) — Vikki
• «Toroknik» (2012) — Riši
• «Terav perč» (2013) — Džai
• «Baahubali: Augotiž» (2015) — Amarendra / Mahendra Baahubali
• «Baahubali: Lopind» (2017) — Amarendra / Mahendra Baahubali
• «Saaho» (2019) — Ašok Čakravarti / Siddhant Nandan Saaho

Mel'hetartui fakt

Prabhas om ezmäine suvižindine akt'or vahakopijanke Tüsso-madaman muzejas.

Irdkosketused

• Prabhas Feisbuk-verkos.
• Prabhas „Internet Movie Database“-saital (angl.)
• Prabhas „KinoPoisk“-saital (ven.)