Pul (lidn, Horvatii)

Pul
Pula
Lidnanznam;	Flag;
Valdkund	Horvatii
Eläjiden lugu (2021)	52,220 ristitud
Pind	53,8 km²
Pämez'	Pedža Grbin; (kezaku 2025—,; Peđa Grbin)
Telefonkod	+385-(0)52
Aigvö	tal'vel UTC+1,; kezal UTC+2

Sil sanal voib olda toižid znamoičendoid; miše nähta niid, tulgat tänna.

Pul (horv.: Pula [pǔːla], ital.: Pola, sloven.: Pulj, saks.: Polei) om Horvatijan lidn valdkundan päivlaskmas. Se om Istrijan ümbrikon (županijan) kaikiš suremb lidn eläjiden lugun mödhe, sen ohjastusen olendsija.

Istorii

Eländpunktan aluz om pandud amuižil grekalaižil vl 177 EME. Mülüi Rimalaižhe imperijha latin.: Pietas Iulia Pola-nimenke. Vll 1150−1797 oli Venecijan Tazovaldkundan palaks, sid' avstrine lidn. Vl 1920−1943 oli Italijan palaks.

Pul šingotase turizmal (äi rimalaižid sauvusid om kaičenus), laivansauvomižel i kalanpüdandal amussai, sauvondan kompanijoil, cementan i stöklan tehmižel, sömtegimištol (vinan pästandan vero).

Geografijan andmused

Lidnan sijaduz ümbrikos i valdkundas vn 2005 kartal

Lidn sijadase ümbrikon suves, Adriatižen meren merikaranno 38 metrad süvütte, Istrii-pol'saren randal, läz pol'saren nügut, 30 m ü.m.t. keskmäižel korktusel.

Klimat om subtropine Keskmeren, Al'pad kaitas pohjoižtulleid vaste. Voden keskmäine lämuz om +14 C°, heinkun-elokun +23 C°, tal'vkun-uhokun +6..+7 C°. Paneb sadegid 871 mm vodes, kuidme läz tazomäras, vähemba semendkus-heinkus (48..56 mm kus). Meriveden lämuz om +20..+25 C° kezakus-redukus.

Tobmuz

Lidnan municipalitetan suim kogoneb 22 ühtnijaspäi.

Municipalitetan tobmuden pämez' om mer (horv.: gradonačelnik Grada Pule), valičese kaikil eläjil nelläks vodeks. Edeližed lidnan pämehed oma Filip Zoričič (Filip Zoričić, kezaku 2021 — kezaku 2025), Boris Miletič (Boris Miletić, kezaku 2006 — kezaku 2021).

Eläjad

Vn 2011 Horvatijan rahvahanlugemižen mödhe lidnan eläjiden lugu oli 57 460 ristitud, ümbrikon nelländez. Kaikiš suremb lidnan ristitišt oli 62 378 eläjad vl 1991 i 59 498 eläjad vl 1910.

Rahvahad (2011): horvatijalaižed — 70,1 %, serbalaižed — 6,0 %, sijaližed italijalaižed — 4,4 %, bošnäklaižed — 3,5 %, slovenijalaižed — 1,0 %, toižed rahvahad — 15,0 %.