Venecii

Vikipedii
Hüpähtada: navigacii, Ecind
Venecii
Venezia
 Lidnanznam
CoA Città di Venezia.png
 Flag
Flag of Most Serene Republic of Venice.svg
Valdkund Italii
Eläjiden lugu (2014) 264 579 ristitud
Pind 415,9 km²
VeneciiVenezia
Pämez' Luidži Bruniaro (2 015-)
Telefonkod +39-41
Aigvö tal'vel UTC+1 
kezal UTC+2


Venecii (ital.: Venezia [veˈnɛʦʦja], venet.: Venesia [veˈnɛːsja], angl.: Venice, latin.: Venetiae) om Italijan lidn (vspäi 1866). Se om Venecijan provincijan i Venecijan agjan pälidn da meriport.

Vl 2014 läz 2,6 mln ristitud elädas lidnan aglomeracijas, järedad Padui- da Trevizo-lidnad mülüdas sihe mugažo.

Lidn om turizman sur' keskuz (20 mln turistad vl 2013), Venecijan karnavalan da Venecijan kinofestivalin vedandan sija. Lidnan da sen lahten arhitekturine nägu mülüb UNESCO:n kul'turjäl'gusiden nimikirjuteshe.

Istorii[redaktiruida | redaktiruida purde]

Lidnan aluz om pandud 6. voz'sadal meiden erad.

7. voz'sadaspäi 1797 vodhesai Venecii oli Venecijan Tazovaldkundan pälidnaks. Voz'sadoil 15.-16. Albanii, Ionižed sared, Krit da Kipr oliba tazovaldkundan paloikš.

Venecii om Marko Polon da Antonio Vival'din sündundan sija.

Venesuel-valdkundan nimituz om sündnu lidnan nimespäi.

Geografijan andmused[redaktiruida | redaktiruida purde]

Lidn sijadase Italijan pohjoižpäivnouzmas. Se vedase pidust' Venecijan lahten Adriatižen meren randištod, seižub 2,54 metrad valdmeren tazopindan päl keskkorktusel. 118 sart om lidnas. Saum vezid om lidnan pindan 61% (275,53 km²).

1970-nziš vozišpäi Venecijan ristitišt poleneb kaikenaigašti sügüz'ližiden sur'veziden tagut, sen paloin sar'hižes palas — lujemba kaiked.

Venecii-kommun jagase 6 rajonha ičeohjastusenke.

Transport[redaktiruida | redaktiruida purde]

Avtobusad, tramvaid, vezitaksid da pened jogilaivad (ital. üks'lugu vaporetto) oma kundaližeks transportaks lidnan südäimes. Venehed (gondol:ad) oma olmas turistoiden täht.

Kebn metro (ital. Minimetrò) radab lidnas vspäi 2010 (1 jono, 857 m, 3 stancijad).

Marko Polon nimel nimitadud civiline rahvahidenkeskeine lendimport (VCE) sijadase 8 km pohjoižhe lidnan keskusespäi. Sišpäi tehtas reisid Evropan äjihe maihe, AÜV:oihe, Kanadha da Italijadme.

Lidnan ühthine nägu.

Irdkosketused[redaktiruida | redaktiruida purde]