Raipur

Vikipedii
Mine navigeerimisribale Mine otsikasti
Raipur (veps. i angl.)
रायपुर (hindi)
(Rājapura)
Valdkund Indii
Eläjiden lugu (2011) 1,010,087 ristitud
Pind 226 km²
Raipur (veps. i angl.) रायपुर (hindi) (Rājapura)
Pämez' Aidžaz Dhebar
(viluku 2020—.
Aijaz Dhebar)
Telefonkod +91-(0)771
Aigvö UTC+5:30


Raipur (mugažo anglijan kelel, virktas [ˈraɪpʊr], hindi: रायपुर Rājapura) om lidn Indijan päpalan keskuzpalan päivnouzmas. Se om Čhattisgarh-štatan administrativine keskuz da kaikiš suremb lidn, štat om sätud vn 2000 kül'mkus.

Istorii[redaktiruida | redaktiruida purde]

Nügüdläižen eländpunktan aluz om pandud Rama Čandra-kunigahal 14. voz'sadan lopus. Vanhan lidnusen da toižiden sauvusiden jändused oma kaičenus lidnan suves.

Raipur šingotase štatan ižandusen keskuseks: cementtegimil ezilidnoiš, kivenümbriradmižel (mramor, ozrikkivi), tekstiližel sarakol, sömtegimištol, maižanduzprodukcijan torguindal, šellakan tehmižel. Risan kazvatandan rajon levitase Mahanadi-jogen alangištos päivlaskmha lidnaspäi. Štatan üläopendusen da tedon keskuz: Indijan kuden institutan i viden privatižen universitetan palakundad, kuz' valdkundališt universitetad, seičeme profkolledžad.

Geografijan andmused[redaktiruida | redaktiruida purde]

Lidn sijadase štatan keskuzpalas, 298 m ü.m.t. keskmäižel korktusel. Maikal-kukhad zavodisoiš lodeheze lidnaspäi. Čhota Nagpur-mägitazangišt om pohjoižpäivnouzmha Raipuraspäi. Matkad Delihesai om 930 km lodeheze-pohjoižhe orhal vai 1230 km avtotedme.

Klimat om tropine kaks'sezonine. Semendkun kesklämuz om +34 C°, tal'vkun — +19 C°. Voden keskmäine lämuz om +26 C°. Paneb sadegid 1265 mm vodes, vihmsezon oleskeleb kezakus-sügüz'kus (195..357 mm kus).

Eläjad[redaktiruida | redaktiruida purde]

Vn 2011 Indijan rahvahanlugemižen mödhe lidnan eläjiden lugu oli 785 829 ristitud, vl 2001 — 605 131 ristitud. Läz 1 mln ristituid elädas municipalitetas (štatan nell' procentad) 226 km² pindal. Kirjutamižmahtuz — 86,9% (2011).

Edeline lidnan pämez' om Pramod Dabi (Pramod Dubey), radoi vll 2015−2019.

Galerei[redaktiruida | redaktiruida purde]

Homaičendad[redaktiruida | redaktiruida purde]


Irdkosketused[redaktiruida | redaktiruida purde]