Seversk (Tomskan agj)

Seversk
Северск
Lidnanznam;	Flag;
Valdkund	Venäma
Eläjiden lugu (2025)	104,982 ristitud
Pind	18 km²
Pämez'	Grigorii Šamin; (reduku 2010—)
Telefonkod	+7−3823-xxx-xxx
Avtokod	70
Aigvö	UTC+7 (MSK+4)

Seversk (ven.: Се́верск) om Venäman sauptud lidn da lidnümbrik Tomskan agjan suvipäivnouzmas. Se om agjan kahtenz' surtte lidn, Tomskan lodehline ezilidn, Rosatom:an kaikiš suremb SATÜ eläjiden lugun mödhe.

Istorii

Eländpunktan aluz om pandud vl 1949 kuti Počtkonor' nomer 5 sauvomha uranan da plutonijan küllästamižfabrikad. Kävutihe türmatud mehiden töid. Vl 1954 žilo sai lidnan statusad nügüdläiženke nimenke, no Tomsk-7 oli oficialižikš vhesai 1989.

Seversk šingotase Sibirin himižel kombinatal, kogoneb nelläs tegimespäi. Sadas poltust atomstancijoiden täht i raketoiden südäimen täht, ut produkcijad (radioaktivižed substancijad i stabiližed izotopad). Toižed sarakod: sömtegimišt (maidtegim i leibtegim), stökoltegesiden pästand südäimeta Samus'-žilos, laivansauvomižen tegim, kabelän pästand^[1], elektrojagamižapparaturan tehmine.

Geografijan andmused

Lidn sijadase Tom'-jogen oiktal randal (Obin bassein da oiged randpol'), 90 m ü.m.t. keskmäižel korktusel.

Tomsk-lidnan röun om koumes polenke kilometras suvipäivnouzmha Severskan röunaspäi, voib sadas avtotel vai Tomin ülezjogen. Kuz' kontrol'punktad om aidos, niiden kesken koume ratas Tomin randirdal. Lähembaine raudtestancii passažiroiden täht om Tomsk-II 8,5 kilometras.

Tobmuz

Kaik kaks' žilod da koume pen't küläd mülüdas lidnümbrikho Severskan ližaks, ned ei olgoi sauptud lidnan erineden. Lidnümbrikon pind — 485,65 km².

Eläjad

Vn 2010 Venäman rahvahanlugemižen mödhe lidnan eläjiden lugu oli 108 590 ristitud, lidnümbrikon — 115 331 ristitud. Vn 2021 rahvahanlugemižen mödhe lidnan eläjiden lugu oli 106 648 ristitud, lidnümbrikon — 112 971 ristitud. Vl 2017 kaik 107 922 ristitud elihe lidnas i 114 313 ristitud kaikes lidnümbrikos. Kaikiš suremb lidnan ristitišt oli 119 500 eläjad vl 2001.

Ortodoksižen hristanuskondan Jumalanmaman Vladimiran jumalaižen jumalanpert'^[2] om saudud lidnas vll 1994−2000.

Openduz

Lapsiden opendusen aluzkundad oma päivkodid, keskškolad.

Severskan tegimištoline kolledž^[3] i MIFI-universitetan filial oma lidnan professionaližen opendusen aluzkundoikš.

Galerei

Keskuzline kontrol'punkt avtotel (2010)
Severskan lidnümbrikon administracijan sauvuz (2016)
Sibirin himižen kombinatan kontorad i Jumalanmaman Vladimiran jumalaižen jumalanpert', vn 2006 nägu
Londuseližen puišton keskuztulend (2009)
EI-2-reaktoran sauvuz vl 2010 (om azotadud vn 2008 kezakus, Sibirin himine kombinat)
MIFI-universitetan filial (2016)
Torguindkeskuz (2012)
Lapsiden läžundkodi (2012)
Kul'turkeskuz (2005)
Keskuzline kontrol'punkt raudtel vl 2016