Taraz

Vikipedii-späi
Taraz
Тараз
Lidnanznam
Valdkund Kazahstan
Eläjiden lugu (2018) 356,069 ristitud
Pind 187,87 km²
Taraz Тараз
Pämez' Kairat Dosaev
(sulaku 2019—)
Telefonkod +7−7262
Aigvö UTC+6


Taraz (kaz.: Тараз) om lidn Kazahstanan suves. Se om Žambilan agjan administrativine keskuz.

Istorii[vajehta | vajehtada tekst]

Eländpunktan aluz om pandud ezmäižel voz'sadal EME. Mainitase vl 400 Grekanman purtkiš kuti Tolosa-lidn Surel Šuuktel. Lidnan nimituz oli Aulie-Ata vll 1856−1936, Džambul vll 1938−1993 i vhesai 1997 Žambil (kaz.: Жамбыл). Vl 1917 raudte tuli lidnha.

Taraz šingotase himižel tegimištol fosforan loudmižsijil, sömtegimištol, raudan ühthesuladusiden pästandal, sauvondmaterialiden da konstrukcijoiden tehmižel, kengiden fabrikal.

Geografijan andmused[vajehta | vajehtada tekst]

Lidn sijadase Talas-jogen randal, Kirgizstanan röunanno, 610 m ü.m.t. keskmäižel korktusel. Om korktoid mägid ümbrištos.

Klimat om terav kontinentaline. Heinkun lämuz om +25,4 C°, vilukun — −3,1 C°, voden keskmäine lämuz om +11,1 C°. Absolütine minimum oleskeli −40 C°. Paneb sadegid 344 mm vodes, vähemba heinkus-sügüz'kus (8..19 mm kus).

Eläjad[vajehta | vajehtada tekst]

Vl 2014 eläjiden lugu oli 351 476 ristitud. Kaikiš suremb ristitišt oli 356 983 eläjad vl 2015.

Transport[vajehta | vajehtada tekst]

Avtobusad oma kundaližeks transportaks lidnas. Päraudtestancii i avtostancijad ratas lidnas.

Rahvahidenkeskeine soda- da civiline Aulie-Ata-lendimport (DMB, 55 tuh. passažiroid vl 2016) sijadase kümnes kilometras suvipäivlaskmha orhal lidnan keskusespäi. Tehtas reisid nenihe lidnoihe: Almati, Astan, Moskv.

Homaičendad[vajehta | vajehtada tekst]


Irdkosketused[vajehta | vajehtada tekst]