Trinkomali

Trinkomali
ත්‍රිකුණාමළය (singal.)
திருகோணமலை (tamil.)
Valdkund	Šrilank
Eläjiden lugu (2012)	99,135 ristitud
Pind	7,5 km²
Telefonkod	+94−26
Aigvö	UTC+5:30

Trinkomali (singal.: ත්‍රිකුණාමළය [t̪rikunaːmələjə], vepsän kirjamil Trikuṇāmaḷaya, tamil.: திருகோணமலை [t̪iɾukːoːɳɐmɐlɛi̯], vepsän kirjamil Tirukkōṇamalai «Pühän mägen valdoičii») om lidn Šrilankan pohjoižpäivnouzmaižel mererandal. Lidn om Päivnouzmaižen agjan i sen Trinkomalin ümbrikon administrativine keskuz.

Istorii

Lidnan dokumentiruidud istorii lugeb kaks' polenke voz'tuhad. Tamilan dinastijad ohjandiba lidnad voz'sadoiš.

Danijalaižiden tulendanke ujuden 1620-nzil vozil Trinkomali kändihe lidnuseks (alamaine variant om kaičenus) i rahvahidenkeskeižen torguindan znamasižeks meriportaks. Portugalii valdoiči lidnad 17. voz'sadal, Alamad 18. voz'sadal. Vspäi 1815 kaik sar' kändihe Britanižen imperijan palaks. Saren ripmatomuden aigaspäi (1948) lidn eli läbi rahvahanikoiden sodas.

Trinkomali šingotase sodaakademijoil i turizmal: lidnuz, pühäpertid, kitoiden kaclend, sörfing, kalatez, hulad purtked ezilidnoiš. Kivivoin importan port om sauvomižes Indijan kompanijal vspäi 2015.

Geografijan andmused

Lidn sijadase agjan pohjoižes, ümbrikon keskuzpalan päivnouzmas, Trinkomalin pol'sarel, kahesa metrad ü.m.t. keskmäižel korktusel.

Matkad ekonomižhe Kolombo-pälidnhasai om 237 km suvipäivlaskmha.

Klimat om tropine kaks'sezonine. Kun keskmäine lämuz vajehtase +26..+30 C° röunoiš voden aigan. Ekstremumad oma +16,5 C° i +39,8 C°. Paneb sadegid 1569 mm vodes, enamba kül'mkus-tal'vkus (334..341 mm kus), vähemba kezakus (26 mm) i keväz'kus-semendkus (50..54 mm kus).