Uden Vilgan küläkund

Uden Vilgan küläkund (ven.: Новови́лговское се́льское поселе́ние) — municipaline ühtnik Karjalan Tazovaldkundan Änižröunan (Änižrandan) rajonas. Administrativine keskuz om Uz' Vilg-žilo.

Pämez' — Lüdmila Kručinina vn 2017 sügüz'kuspäi^[1]. Vll 2013−17 Lüdmila Eliseeva radoi küläkundan pämehen.^[2]

Geografijan andmused

Küläkund sijadase rajonan päivlaskmas, röunatab Petroskoinke pohjoižpäivnouzmas. «Kol»-trass läbitab küläkundad pohjoižes. Sambalan so-kel'dtaho (430 ga) levineb pohjoižpalas, vanhad Lohijärv- (10 km²) i Maašjärv-vezivaradimed (7 km²) oma küläkundan päivnouzmas.

Eländpunktad

Kaik kuz' eländpunktad sijadasoiš küläkundan territorijal — kaks' žilod i nell' küläd.

Eländpunkt	Venäkel'ne nimi	Livvinkel'ne nimi	Eläjiden lugu, voz'
Lohijärv	Лососи́нное	Lohijärvi	30 (2013)
Maašjärv	Ма́шезеро	Muašjärvi	17 (2013)
Pol'	Полови́на	Polovina	66 (2013)
Uz' Lohijärv	Но́вое Лососи́нное	Uuzi Lohijärvi	1 (2013)
Uz' Vilg	Но́вая Ви́лга	Uuzi Vilgu	1765 (2013)
Vilg	Ви́лга	Vilgu	1036 (2013)

Eläjad

Vn 2010 kaiken Venäman rahvahanlugemižen mödhe küläkundan eläjiden lugu oli 2 728 ristitud. Vl 2018 sen ristitišt oli 3 118 eläjad.^[3] Vl 2023 küläkundan eläjiden lugu oli 3 028 ristitud.

Homaičendad

Irdkosketused

[1] 10. sügüz'ku 2017: Uden Vilgan küläkundan pämehen valičendad, andmused kandidatoiš. — Karel.vybory.izbirkom.ru. (ven.)

[2] 8. sügüz'ku 2013: Uden Vilgan küläkundan pämehen valičendad, andmused kandidatoiš. — Karel.vybory.izbirkom.ru. (ven.)

[3] Venäman municipaližiden ühtnikoiden ristitišton lugu vn 2018 1. päiväl vilukud. — Gks.ru. (ven.)

[1]

[2]

[3]