Šoutarven vepsän küläkund

Šoutarven vepsän küläkund (ven.: Шелтозерское ве́псское се́льское поселе́ние) om municipaline ühtnik Karjalan Tazovaldkundan Änižröunan (Änižrandan) rajonas. Administrativine keskuz om Šoutjärv'-žilo.

Küläkund om sätud Vepsän rahvahaližen volostin tühjitusen jäl'ghe vl 2005.

Pämez' — Irina Safonova vn 2011 tal'vkuspäi^[1], radab kahtenden strokun jäl'geten.^[2]

Geografijan andmused

Küläkund sijadase rajonan suvipäivnouzmas, röunatab Leningradan agjanke suves. «Petroskoi — Šušt»-avtote läbitab küläkundad. Änižen päivlaskmaižen randan pala om pohjoižpäivnouzmas.

Eländpunktad

Kaik kuz' eländpunktad sijadasoiš küläkundan territorijal, sidä kesken üks' žilo i viž küläd.

Eländpunkt	Venäkel'ne nimi	Livvinkel'ne nimi	Eläjiden lugu, voz'
Išan'	Иша́нино	Išannil	0 (2013)
Matfejansel'g	Матве́ева Се́льга	Matfeinselgy	8 (2013)
Mecantaga	Зале́сье	Mečäntaga	3 (2013)
Mägikülä	Го́рное Шёлтозеро	Mägikylä	4 (2013)
Šoutjärv'	Шёлтозеро	Šoutjärvi	857 (2013)
Vehkoi	Вехру́чей	Vehkoi	77 (2013)

Eläjad

Vn 2010 kaiken Venäman rahvahanlugemižen mödhe küläkundan eläjiden lugu oli 980 ristitud. Vl 2018 sen ristitišt oli 882 eläjad.^[3] Vl 2023 küläkundan eläjiden lugu oli 1007 ristitud.

Homaičendad

Irdkosketused

[1] 4. tal'vku 2011: Šoutarven vepsän küläkundan pämehen edelstrokuižed valičendad, andmused kandidatoiš. — Karel.vybory.izbirkom.ru. (ven.)

[2] 6. tal'vku 2015: Šoutarven vepsän küläkundan pämehen toštmižvaličendad, andmused kandidatoiš. — Karel.vybory.izbirkom.ru. (ven.)

[3] Venäman municipaližiden ühtnikoiden ristitišton lugu vn 2018 1. päiväl vilukud. — Gks.ru. (ven.)

[1]

[2]

[3]