Därvenojan küläkund

Därvenojan küläkund (ven.: Деревя́нское се́льское поселе́ние) — municipaline ühtnik Karjalan Tazovaldkundan Änižröunan (Änižrandan) rajonas. Administrativine keskuz om Därvenoja-žilo.

Pämez' om Vadim Suharev vn 2017 sügüz'kuspäi^[1]. Edeline küläkundan pämez' oli Oleg Däkin (2013−2017)^[2].

Geografijan andmused

Küläkund sijadase rajonan keskuzpalas, pidust' Änižjärven päivlaskmašt randad. Röunatab Petroskoinke lodehes.

Eländpunktad

Kaik viž eländpunktad sijadasoiš küläkundan territorijal — üks' žilo i nell' küläd.

Eländpunkt	Venäkel'ne nimi	Livvinkel'ne nimi	Eläjiden lugu, voz'
Därvenoja (Pujeg)	Деревя́нное	Järvenoja	1266 (2013)
Orzegan stancii	О́рзега	Orzijogi	69 (2013)
Pedasel'g	Педа́сельга	Pedäiselgy	151 (2013)
Uja	У́я	Uja	22 (2013)
Užesel'g	У́жесельга	Užeselgy	287 (2013)

Eläjad

Vn 2010 kaiken Venäman rahvahanlugemižen mödhe küläkundan eläjiden lugu oli 1 656 ristitud. Vl 2018 sen ristitišt oli 1 944 eläjad^[3]. Vl 2023 küläkundan eläjiden lugu oli 2 062 ristitud.

Homaičendad

Irdkosketused

[1] 10. sügüz'ku 2017: Därvenojan küläkundan pämehen valičendad, andmused kandidatoiš. — Karel.vybory.izbirkom.ru. (ven.)

[2] 8. sügüz'ku 2013: Därvenojan küläkundan pämehen valičendad, andmused kandidatoiš. — Karel.vybory.izbirkom.ru. (ven.)

[3] Venäman municipaližiden ühtnikoiden ristitišton lugu vn 2018 1. päiväl vilukud. — Gks.ru. (ven.)

[1]

[2]

[3]