Matfejansel'g

Matfejansel'g
Матвеева Сельга (ven.)
Matfeinselgy (karj.)
Matvejanselkä (suom.)

Valdkund	Venäma
Eläjiden lugu (2013)	8 ristitud
Telefonkod	+7−8142-xxx-xxx
Avtokod	10
Aigvö	UTC+3 (MSK+0)

Matfejansel'g, vai Matvejansel'g (ven.: Матве́ева Се́льга, karj.: Matfeinselgy, suom.: Matvejanselkä), om vepsän külä Karjalan Tazovaldkundan suves, sen Änižröunan rajonas. Mülüb Šoutjärven vepsän küläkundha.

Istorii

Mainitaškanzihe 18. voz'sadaspäi kuti Kurasel'g-külišt (ven.: Курасельга) Matfejansel'gänke posadaks. Kaikiš enamba levitadud eläjiden kanzannimi oli Matvejevad, ka nimitihe küläd sen mödhe. Tämbäi-ki surembad kaks'žiruižed pertid oma Matvejevoiden kodikš. Külišton agjad seištas kukhiden päl. Ende ortodoksižen hristanuskondan ph. Mikoi-arhangelan puine jumalanpert' (1902) oli külišton keskuses (posadas), mugažo časoun' i kaks' mellicad.

Suren sodan jäl'ghe Matfejansel'gas radoiba aluzškol i päivkodi, feršalpunkt, počtan palakund, paštandsija. 1950-nzil vozil Truženik-kolhoz («Radai») oli sätud kahtes kolhozaspäi, siš kazvatadihe villäd, kartohkad i jur'ploduid. Möhemba kätihe kolhozad Šeltozerskii-sovhozan brigadaks.

Nügüd'aigan külä om istorijan kompleksižeks muštnikaks, se om Änižrandan vepsläižiden veroližen pertišton ozutez.

Geografijan andmused

Külä sijadase küläkundan suves, Kalleš-jogen randal (ven.: Каллешь, Üläsüvärin vezivaradimen oigedpol'ne bassein).

Matkad küläkundan Šoutjärv'-keskushesai om 17 km pohjoižhe. Matkad Leningradan agjhasai om läz kümned kilometrad suvhe orhal.

Eläjad

Vl 1873 külän eläjiden lugu oli 337 ristitud, heišpäi kaik kirjutihe vepsläižikš. Vl 1926 külišton ristitišt oli 623 eläjad. Vn 2010 kaiken Venäman rahvahanlugemižen mödhe külän kaikenaigaižiden eläjiden lugu oli viž ristitud.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.