Ladv (Karjalan Tazovaldkund)

Vikipedii
Jump to navigation Jump to search
Ladv (vep.)
Ladva (karj.)
Ладва (ven.)
Latva (suom.)
Valdkund Venäma
Eläjiden lugu (2013) 2 132 ristitud
Pämez' Svetlana Nesterova
(sügüz'ku 2 017—)
Avtokod 10
Aigvö UTC+3 (MSK+0)


Disambig gray.svg Sil sanal voib olda toižid znamoičendoid; miše nähta niid, tulgat tänna.

Ladv (karj.: Ladva, ven.: Ладва, suom.: Latva) om vepsän i venän žilo Venäman Karjalan Tazovaldkundan Änižröunan rajonan suves, Leningradan agjan röunanno. Se om Ladvan küläkundan administrativine keskuz.

Istorii[redaktiruida | redaktiruida purde]

Eländpunkt mainitase ezmäižen kerdan 16. voz'sadal. Enččes oli lidnanvuiččeks žiloks, sädihe 19 toižes eländpunktaspäi. Vll 1946−1962 Änižröunan rajonan keskuz sijazihe Ladvas. Šingotase mecan varhapanendal i sömtegimištol (saguden tehmine).

Geografijan andmused[redaktiruida | redaktiruida purde]

Žilo seižub pidust' Ivin /Ivenk-jogen randad (ven.: Ивина / Ивенка, Süvärin oigedpol'ne bassein). Kaik om 14 irdad i 4 kujod žilos. Matkad Petroskoihesai (rajonkeskuz) om 50 km pohjoižhe. Raudtestancii sijadase Ladv-Sarak-žilos 8 km päivlaskmha orhal, 13 km avtotedme vai Ivinan ülezjogen, stancii om lähembaine.

Eläjad[redaktiruida | redaktiruida purde]

Vl 1959 radnikžilon eläjiden lugu oli 4 170 ristitud. Vn 2010 Venäman rahvahanlugemižen mödhe eläjiden lugu oli 2 145 ristitud. Ortodoksižen hristanuskondan naižjumalankodi i 3 jumalanpertid oli olmas 1930-nzihe vozihesai, nügüd'aigan üks' ph. Mikulai-čudonsädajan jumalanpert' om olmas, kivine vspäi 1865.

Rahvahad oma vepsläižed da venälaižed.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]