Uz' Nikkeri

Uz' Nikkeri
Nieuw-Nickerie

Valdkund	Surinam
Eläjiden lugu (2012)	12,818 ristitud
Pind	30 km²
Telefonkod	+597
Aigvö	UTC−3

Uz' Nikkeri (alam.: Nieuw-Nickerie [ˈniu̯ niˈkeːri]) om lidn Surinaman lodehližes čogas. Se om valdkundan koumanz' lidn eläjiden lugun mödhe, Nikkeri-ümbrikon administrativine keskuz.

Istorii

Plantacijoiden šingotajad sirdaškanziba Sures Britanijaspäi nügüdläižen lidnan tahoiže britanižen tobmuden aigan 18. voz'sadal. Uz' Nikkerin aluz om pandud vl 1879 ümbrikon vanhan Uz' Rotterdam-keskusen murendusen jäl'ghe sur'vedel. Eländpunkt planiruihe pol'deral eziauguižešti vl 1869, no sirtihe sidä korktembaha maha edesižes. Nikkeri-nimituz libub sijaližen heimon vn 1596 mainitesespäi (Neekeari) Teenstra-matkadajal ezimeletaden.

Torguz i adivpertid ratas lidnas. Bananiden i risan kazvatand ümbrištos.

Geografijan andmused

Lidn sijadase Nikkeri-jogensun i Atlantižen valdmeren randal. Ehtatim ühtenzoitab Gajanan territorijanke.

Klimat om vihmmecoiden ekvatorialine. Kun keskmäine lämuz om +27..+28 C° vodes läbi. Ekstremumad oma +18 C° i +36 C°. Paneb sadegid 1980 mm vodes, enamba semendkus-heinkus (246..316 mm kus), vähemba sügüz'kus-kül'mkus (61..79 mm kus).

Vl 2012 lidnan eläjiden lugu oli 12 818 ristitud.

Homaičendad

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.