Vepsän rahvahaline volost'
Flag
| |
| Valdkund | Venäma |
| Administrativine keskuz | Šoutarv |
| Eläjiden lugu (2002) | 3 493 ristitud |
| Pind | 830 km² |
| |
Vepsän rahvahaline volost' (venäkelel: Вепсская национальная волость) oli Venäman vepsläižiden administrativine avtonomii. Se oli olmas Karjalan Tazovaldkundan suves vodelpäi 1994 vodhesai 2005.
Geografii
[vajehta | vajehtada lähtetekst]Volostin sijaduz oli Karjalan Tazovaldkundan suvipolel da Änižjärven päivlaskmaižel randal. Pind — 830 km².
Vodelpäi 2006 mülütihe volostihe Änižröunan rajonan Šokšun, Šoutarven da Kaleigen (Kalajogen) vepsän küläkundoid. Keskuz oli Šoutarves. Volostin küliden enambusen sijaduz oli Änižjärven randal da pidust' R19-ted (Petroskoi — Šoutarv — Šušt).
Volostin klimatvö om ven kontinentaline. Voden keskmäine lämuz om +3 Cel'sijan gradusad, uhokun — −9,5 C° (kaikiš vilumb ku) da kezakun +17 C° (kaikiš lämemb ku). Keskmäine nepsuz — ümbri 80%.
Enččen volostin territorijal om kvarcitan, gabrodiabazan löudmižsijid da savisijid. Se volost' oli Karjalan kaikiš mecakahamb municipaline palakund.
Eläjad
[vajehta | vajehtada lähtetekst]Vodel 2002 eläjiden lugu oli 3 493 ristitud. Volostin igähine ristitišt oliba vepsän rahvaz, enamba 30% Volostin eläjid.
Mugažo Volostiš om ortodoksižen hristanuskondan D'äšarvan jumalankodi (läz 1580 v.), Brusnenskii-jumalankodi, pühän Homoi-apostolan jumalanpert' (20. voz'sada), puine jumalanpert' Vehkoiš (19. voz'sadan lop), jumalanpert' Mägiküläs (19. voz'sadan kesk).
Kul'turine elo
[vajehta | vajehtada lähtetekst]Ristitišton päazjin oliba manalaižiden kal'huziden samine, mecradod, punümbriradmine, kalatez da maižanduz.
Volostiš kaik oliba 3 keskškolad, lapsiden päivkodid, lapsiden muzikškol da üks' sen filial, kirjištod, 3 kul'turkodid da klub. Vodelpäi 1936 tähäsai Vepsän rahvahaline hor radab, vodelpäi 1982 Vepsän lapsiden hor om olmas.
Šoutarven vepsläine etnografine muzei kaičeb vepsläižiden rahvahaližid veroid. Enččen Volostin territorijal kaik om 111 arhitekturan, arheologijan, istorijan muštpacast (68 arhitekturmuštpacast puspäi: küläkodid, läväd da aitoid).
Homaičendad
[vajehta | vajehtada lähtetekst]
Edesine lugemine
[vajehta | vajehtada lähtetekst]- Zinaida Strogalščikova. Vepsläine rahvahaline volost': tegemižen da sauptamižen istorii // Verez tullei-al'manah. Petroskoi: «Periodika»-pästandkodi, 2018. — Lpp. 3−5. (veps.) ISBN 978-5-88170-273-1 (tekst VepKar-korpusas dictorpus.krc.karelia.ru-saital)
- Vepsän rahvahaline volost' Karjalan Enciklopedijas gov.karelia.ru-saital (venäkelel)