Kannad

Vikipedii-späi
Kannad
Cannes
 Lidnanznam
 Flag
Valdkund Francii
Eläjiden lugu (2019) 74,545 ristitud
Pind 19,62 km²
Kannad Cannes
Pämez' David Lisnar
(mandatad 2014−2020, 2020−2026,
David Lisnard)
Telefonkod +33-(0)4
Aigvö tal'vel UTC+1,
kezal UTC+2


Kannad, Kann[1] (franc.: Cannes [kan], sijaline virkand [ˈkanə], oksit.: Canas) om lidn Francijan suvipäivnouzmas, Provans — Al'pad — Azur'ne rand-regionas.

Lidn om kaikiš populärižemb da tetabamb Azur'žen randan lebutahoišpäi. Se om tetab mugažo ičeze ezirivižil laukoil, restoranoil da adivpertil.

Istorii[vajehta | vajehtada tekst]

Eländpunktan aluz om pandud ligurialaižil.

Vn 2011 3. päiväl kül'mkud Kannad oliba rahvahidenkeskeižen G20-tegimištorganizacijan keskuseks.

Kannad šingotasoiš turizmal, sidä kesken azjaližel, torguindal i aerokosmižel sarakol.

Geografijan andmused[vajehta | vajehtada tekst]

Lidn sijadase Keskmeren Napul'-lahten randištol, 0..260 m ü.m.t. korktusil. Täs Esterel'-mägisel'g vasttase mererandanke.

Klimat om Keskmeren.

Eläjad[vajehta | vajehtada tekst]

Vl 2011 lidnan eläjiden lugu oli 72 607 ristitud. Kaikiš suremb ristitišt om nügüd'. Se oli 72 259 eläjad vl 1982.

Lidnan edeline pämez' oli Bernar Brošan vll 2008−2014 (Bernard Brochan).

Kannoiden kinofestival'[vajehta | vajehtada tekst]

Kannoiden kinofestivalin rusked kourine tehut

Rahvahidenkeskeine Kannoiden kinofestival' (franc.: Festival international du film de Cannes) om jogavozne kinematografine festival'. Se vedase semendkun lopul Kannad-lebutahos ottes Festivališt pert'kulud keskuseks. Kinoprodüseroiden rahvahidenkeskeine federacii (angl.: FIAPF) akkreditui nece kinofestival' ühtentoštkümnen mugoižen fil'mfestivalinke ühtes (muga nimitadud «A-kategorijan festivalid»)[2].

Sebruzlidnad[vajehta | vajehtada tekst]

Sebruzaktad oma tehtud nenidenke lidnoidenke:

Homaičendad[vajehta | vajehtada tekst]

  1. Канн-kirjutuz // Sur' Nevondkundaline Enciklopedii. — Slovari.yandex.ru. (ven.)
  2. Kannad oma Evropan kinematografižeks pälidnaks. — Geosfera.info. (ven.)
  3. Les jumelages — Les pactes d'amitié (Sebruzlidnad — Sebruzaktad) lidnan cannes.com-saital. (fr.)

Irdkosketused[vajehta | vajehtada tekst]