Änine (jogi)

Vikipedii
Mine navigeerimisribale Mine otsikasti
Änižjogi Severoonežskas
Änižjogen bassein

Änine, Änine-jogi vai Änižjogi (ven.: Онега) om Venäman jogi Arhangel'skan agjan päivlaskmas.

Ümbrikirjutand[redaktiruida | redaktiruida purde]

Jogen piduz om 416 km, basseinan pind om 56 900 km². Lähteb Lač-järvespäi 118 m ü.m.t., lankteb Vauktha merhe. Jogen sistem i Änine-järven bassein ei kosketagoi toine tošt, ka tedomehed ezimeletadas, miše pojavad nimed libudas erištadud parallelišpäi.

Randad oma korktahkod, kazvahtunuded mecal. Om luhtoid keskjoksmuses. Znamasižed ližajoged oma Vološk, Moš, Kodin, Mudjug, Nel'nüg, Vongud (oiktad), Ken, Iks, Kož, Pon'g (hurad).

Jogen vezi om lumen augotižlibundanke tobjimalaz. Vedhuz reguliruiše joginiškan i ližajogiden järvil. Sur'vezi oleskeleb semendkus-kezakus. Jogi jädub redukun lopus — tal'vkun augotišes, kos'kil vilukus-uhokus; sulab sulakun keskes — semendkus.

Kävutand[redaktiruida | redaktiruida purde]

Änine-jogi om kos'kekaz, ottas laivjogeks joginiškas (6 km) i jogensuspäi (30 km). Ende kävutihe vuigonkan täht. Kargopol'-lidn sijadase joginiškanno, Severoonežsk-žilo keskjoksmuses, Oneg-lidn — jogensunno. Lidnad oma mecan ümbriradmižen keskused. Sadas lohed i navagad jogensus.

Homaičendad[redaktiruida | redaktiruida purde]



Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.