Šujan küläkund (Karjal)

Šujan küläkund (ven.: Шу́йское се́льское поселе́ние) — municipaline ühtnik Karjalan Tazovaldkundan Änižröunan (Änižrandan) rajonas. Administrativine keskuz om Šui-žilo.

Pämez' — Anastasija Sokolova vn 2015 sügüz'kuspäi^[1], hänen valdatusiden strok om viž vot. Edeline küläkundan pämez' oli Tat'jana Kačalkina (2011−2015).^[2]

Geografijan andmused

Küläkund sijadase rajonan lodehes, röunatab Petroskoinke suves. Ukšjärv (ven.: Укшозеро, 44 km²) Surgub-lahtenke mülüb küläkundha läz täuzin. «Kol-trass» i «Petroskoi — Kondopog»-raudtekeskust läbitadas küläkundad suvespäi pohjoižhe.

Eländpunktad

Kaik kümne eländpunktad sijadasoiš küläkundan territorijal — koume žilod i seičeme küläd.

Eländpunkt	Venäkel'ne nimi	Lüdikel'ne nimi^[3]	Eläjiden lugu, voz'
Besovec	Бесове́ц	Besoučča	Šui-žilon pala
Careviči	Царе́вичи	Čärviččä	8 (2013)
Karjalaine Külä	Каре́льская Дере́вня	Karjaine	14 (2013)
Kosalm	Ко́салма	Kossalm / Kossalmi	54 (2013)
Matkači	Маткачи́	Matkačču	Šui-žilon pala
Namojevo	На́моево	Nuamoil / Nuamoila	3 (2013)
Šui	Шу́я	Šuoju	3290 (2013)
Šujan Čup	Шу́йская Чупа́	Čuppu	3 (2013)
Šujan stancii	Шу́йская	-	Šui-žilon pala
Verhov'je	Верхо́вье	Ylähäine	Šui-žilon pala

Eläjad

Vn 2010 kaiken Venäman rahvahanlugemižen mödhe küläkundan eläjiden lugu oli 3 230 ristitud. Vl 2018 sen ristitišt oli 3 964 eläjad^[4]. Vl 2023 küläkundan eläjiden lugu oli 3 548 ristitud.

Homaičendad

Irdkosketused

[1] 13. sügüz'ku 2015: Šujan küläkundan pämehen valičendad, andmused kandidatoiš. — Karel.vybory.izbirkom.ru. (ven.)

[2] 24. sulaku 2011: Šujan küläkundan pämehen valičendad, andmused kandidatoiš. — Karel.vybory.izbirkom.ru. (ven.)

[3] Eländpunktoiden oficialižiden nimitusiden nimikirjutez venän kelel da sijaližed nimed karjalan, vepsän da suomen kelil resources.krc.karelia.ru-saital. (ven.)

[4] Venäman municipaližiden ühtnikoiden ristitišton lugu vn 2018 1. päiväl vilukud. — Gks.ru. (ven.)

[1]

[2]

[3]

[4]