Avrelii Avgustin
| Avrelii Avgustin | |
| latin.: Aurelius Augustinus | |
 Ph. Avgustin. Sankta-Sanktorum-kapellan fresk Lateran-pert'kulus (Rim), 6. voz'sada | |
| radmižen toižend: |
filosof, teoloog, autobiographer, music theorist, preacher, istorik, runokirjutai, Presbüter, kirjutai |
|---|---|
| sündundan dat: | |
| sündundan sijaduz: | |
| valdkund: | |
| kolendan dat: | |
| kolendan sijaduz: | |
| mam: | |
 Avrelii Avgustin VikiAitas | |
Om sädusid VikiPurtkiš  | |
Avrelii Avgustin Gipponalaine (latin.: Aurelius Augustinus Hipponensis) vai Avgustin Afr (latin.: Augustinus Afer; sünd. 13. kül'mku 354, Tagast-lidn, Numidii, Pohjoine Afrik, Rimalaine imperii — kol. 28. eloku 430, Gippon-lidn, Numidii, Pohjoine Afrik, Päivlaskmaine Rimalaine imperii, nüg. Alžiran pohjoižpäivnouzm; hibjan jändused oma Pavii-lidnan Čel' d'Oro-bazilikjumalanpertiš, Italii) oli hristanuskondan jumalantedomez', filosof i pühäpaginik.
Avgustin pani severziden-se jumalankodiden alusid, erased oliba pandud panzatole möhemba. Lugetas pühämeheks katoližes, ortodoksižes i lüteranižes jumalankodikundoiš. Katolikad mainitadas händast 28. päiväl elokud, Venäman ortodoksad — 15 (28). kezakud.
Avgustinan melen mödhe, ku Biblijan tekstad vastkaroitas tedole, ka ei tari el'geta niid sana sanha. Avgustin ezimeletab, miše Adaman i Evan organizmad oliba sätud surmanalaižikš, no hö saižiba hengeližid hibjoid i igähišt elod, kuiži ei ole männu grähkha. Tedoidajiden pala lugeb Avgustinad hristanuskondan filisofijan istorijan alusenpanijaks, ka avgustinizm-joksend om olmas. Avgustinan hristianine neoplatonizm oli päižeks Päivlaskmaižen Evropan filosofijas i jumalantedos 13. voz'sadahasai, konz' Sur' Al'bert i Homoi Akvinlaine šingotihe hristianižen aristotelizman kacundoid.
Valitud sädused[redaktiruida | redaktiruida purde]
Avgustin sädi äi kirjoid latinan kelel, ned valatoitihe protestantizman antropologišt opendust (Lüter i Kal'vin).
Kaikiš tetabambad i znamasižembad sädused oma De civitate Dei («Jumalan lidnas») i Confessiones («Hengenavaidamine»), Avgustinan hengeline elonstarin, De Trinitate («Stroican polhe»), De libero arbitrio («Joudjas valdas»), Retractationes («Toštmižkacundad»).
Homaičendad[redaktiruida | redaktiruida purde]
- ↑ BeWeB
Irdkosketused[redaktiruida | redaktiruida purde]
- Sait pühämehes (augustinus.it). (latin.) (ital.) (angl.) (isp.) (fr.) (saks.)