Baiburt (lidn)

Baiburt
Bayburt
Valdkund	Turkanma
Eläjiden lugu (2021)	48,036 ristitud
Pämez'	Hükmü Pekmezči; (sulaku 2019—,; Hükmü Pekmezci)
Telefonkod	+90-(0)458
Aigvö	UTC+3

Baiburt (turk.: Bayburt, armen.: Բաբերդ Baberd, pont.: Παϊπούρτ Paipourt) om lidn Turkanman pohjoižpäivnouzmas. Se om Baiburtan agjan administrativine keskuz (vspäi 1989).

Istorii

Eländpunkt mainitase ezmäižen kerdan kuti Suren Armenijan Baberd-lidnuz 5. voz'sadal meiden erad. Lidnuz om kaičenus tähäsai, sijazihe Surel šuuktel.

Baiburt om agjan tegimišton da torguindan keskuz. Živatvodind i meden tehmine oma agjas.

Geografijan andmused

Lidn sijadase Čoroh-jogen randoil (turk.: Çoruh nehri, lankteb Mustmerhe), 1550 m ü.m.t. keskmäižel korktusel. Om ümbärtud korktoil mägil, hobedan, vas'ken, hahktinan i cinkan samižen kaivusil.

Klimat om ven kontinentaline. Voden keskmäine lämuz om +7,5 C°, heinkun-elokun +19,3..+19,5 C°, kezakun +15,9 C°, sügüz'kun +15,2 C°, tal'vkun-uhokun −3,0..−5,4 C°. Ekstremumad oma −31,3 C° (viluku) i +38,4 C° (eloku). Kezaaigan minimum om −1,6 C° (kezaku), tal'vaigan maksimum om +18,2 C° (tal'vku). Ei voi panda halad heinkus-elokus vaiše (heinkun minimum om +0,2 C°). Paneb sadegid 475 mm vodes, enamba sulakus-semendkus (67..78 mm kus), vähemba heinkus-sügüz'kus (17..26 mm kus). Voib panda lunt tal'vel ühthe metrhasai kortte. Kun keskmäine relätivine nepsuz vajehtase 49..53 % röunoiš kezakus-sügüz'kus, 64 % kül'mkus, 67..70 % tal'vkus-uhokus, 56..61 % toižiš kuiš.