Birminhem (Alabam)

Vikipedii-späi
Birminhem
Birmingham
Flag
Valdkund Amerikan Ühtenzoittud Valdkundad
Eläjiden lugu (2017) 210,710 ristitud
Pind 384,78 km²
Birminhem Birmingham
Pämez' Randell Vudfin
(tal'vku 2017—)
Telefonkod +1−205
Aigvö tal'vel UTC−6,
kezal UTC−5


Birminhem (angl.: Birmingham [ˈbɜːrmɪŋhæm]) om AÜV:oiden lidn Alabam-štatan keskuzpalan pohjoižes. Se om štatan kaikiš suremb lidn eläjiden lugun mödhe, medicinižen i juridižen opendusen järed keskuz.

Istorii[vajehta | vajehtada tekst]

Eländpunktan aluz om pandud vl 1871, ani Rahvahanikoiden sodan lopun jäl'ghe. Nimitihe britanižen Börmingem-lidnan mödhe. Ende oli tetab raudan metallurgijan keskuseks sauvomha raudteid.

Nügüd'aigaine Birminhem šingotase bankingan keskuseks (10. sija AÜV:oiš, järed «Regions Bank»), šebnän da leten järedal «Vulcan Materials»-kompanijal i sauvondedheotandoil («EBSCO Industries»-konglomeratan päfater i 1,5 tuhad radnikoid, «Brasfield & Gorrie»).

Geografijan andmused[vajehta | vajehtada tekst]

Lidn sijadase 196 m ü.m.t. keskmäižel korktusel. Sen aglomeracii seižub Kahab-jogen oiktal randpolel (angl.: Cahaba River, 312 km pitte, Mobil-jogen bassein). Kaikiš znamasižemb Guver-ezilidn sijadase ani suvhe lidnaspäi. Matkad štatan Montgomeri-pälidnhasai om 148 km suvhe.

Klimat om subtropine. Heinkun i elokun lämuz om +27 C°, vilukun — +6,6 C°, voden keskmäine lämuz om +17,3 C°. Paneb sadegid 1364 mm vodes, kuidme läz tazomäras, vähemb redukus (87 mm). Lämuden absolütine minimum — −23,3 C°. Manrehkaidusen kaikiš lujemb registriruidud magnitud oli 5,1 vl 1916.

Eläjad[vajehta | vajehtada tekst]

Vn 2010 AÜV:oiden rahvahanlugemižen mödhe lidnan eläjiden lugu oli 212 237 ristitud. Kaikiš suremb lidnan ristitišt oli 340 887 eläjad vl 1960. Kaik 1,15 mln ristituid elihe lidnaglomeracijas vl 2017 (49. sija valdkundas).

Sebruzlidnad[vajehta | vajehtada tekst]

Irdkosketused[vajehta | vajehtada tekst]