Heitämine (serial)

«Heitämine» vai «Likvidacii» (ven.: Ликвидация) — voden 2007 Venäman äiseriine čomamahtoline fil'm (serial). Režissör — Sergei Ursuläk.

Süžetan pohj om nevondkundaližen tobmuden borcuind banditjoukuid vaste Suren sodan jäl'ghe vodel 1946 Odessas, Ukrain.

Kaik nell'toštkümne serijad om serialas. Kaikuččen serijan hätkeližuz 44..46 minutad. Ezmaine ozutez tegihe Ukrainan Inter-telekanalal, voden 2007 redukun 21. päivän. Möhemba ozutihe Venäman Venäma-1-telekanalal.

Serijoiden nimikirjutez da kinotarin

Serijoil ei ole nimitusid (muite «Ühtenz' serii», «Kahtenz' serii» i muga edemba).

Rolid

Artistoiden jouk fotoidenke om «Venäman kino»-saital:

• Maškov Vladimir — Gocman David Markovič, polknikan abutai (Odessan kriminaližen ecindan varapämez')
• Porečenkov Mihail — Krečetov Vitalii Jegorovič, major (Odessan sodaümbrikon tribunalan väritajan abunik);
• Men'šov Vladimir — Žukov Georgii Konstantinovič, Nevondišton Ühtištusen maršal
• Makoveckii Sergei — Fima Petrov («Fima-Pol'žid») (enzne vargaz-kormannik, Gocmanan sebranik)
• Lavronenko Konstantin — Čekan (Čekan Igor' Stanislavovič)
• Rappoport Ksenija — Ida Kašetinskaja, Čekanan naine
• Agurejeva Polina — Car'ko Antonina Petrovna, Krečetovan ak
• Krüčkova Svetlana — Pesä-tädi, Emmikan mam
• Semčev Aleksandr — Emmik (Emmanuil Gerševič)
• Makovskaja Beata — Cilä, Emmikan ak
• Nifontova Lika — Nora (Jelena Bruner), Gocmanan ak
• Spiridonov Nikolai — Miška-Karas' (Karasöv), Gocmanan poigindam
• Kirüščenko Aleksei — Mark
• Malaja Diana — Galä
• Lahin Jurii — Čusov-polknik (Odessan sodaümbrikon südäitedištelusen pämez')

Toziazjad fil'man jäl'ghe

• Andrei Krasko, kudambale ezmäks anttihe Fiman rolid, zavodi kuvatas fil'mas, no koli laval fil'madamižen aigan. Anttihe rolid hänen sijas Sergei Makoveckijale, fil'matihe tošti jo fil'matud scenoid.
• Kahten zavodindserijan ezmäižen ozutesen päivän serial oti ekranoidennoks ülituseline kacujiden lugud (Venämas dolä oli 42,8 %, reiting — 13,8 %).

Starinadamine

Vodel 2007 ühten aigan fil'manke pästtihe sidä bumagal — kaks'tomine «Heitämine»-roman, Moskvan «Rosmen-Press»-pästandkodi. Sen sädai om vaugedvenälaine kirjutai, istorijantedai i TV-vedai Väčeslav Bondarenko. Ezmäine romanan painuz oli pästtud tegijan nimeta pästandkodin petusen tagut, sen aigan erased-se lugijad oliba lugenuded Aleksei Pojarkov-kinotarinantegijad kirjan tegijaks. Vodel 2008 pästtihe romanan tošt painust, siš petuz oli jo kohetud.

Roman sädihe literaturižen kinotarinan pohjal ühten aigan sen fil'madamiženke. Sikš miše kirjas om äjad pirdoid, kudambid kinon režissör hül'gäiži fil'madamižen aigan, ned oma kaitud. Ozutesikš, kinotarinas i romanas Emmik koleb, a fil'man aigan — ei.

Sen ližaks äi faktižid kinotarinan i sid' fil'man petusid om kohetud romanas. Sur' petuz kahtenden rangan intendantan polhe kohetud-ki, anttihe händast käskuzkundha Kahtendes Vaugedvenälaižes frontas vl 1943 (heittihe 2. rangan intendantan arvnimed vn 1942 sulakus, a Kahtenz' Vaugedvenälaine front tehtihe vn 1944 uhokus).

Romanas om äi süžetan jonoid, kudambid ei ole ni kinotarinas, ni fil'man aigan. Kirjas Krečetovan tegoiden istorii i motivacii om tarkkohtiš, sid'aig serialan kacujile se om ozoitez, kut Gocmanan kanzan istorii-ki.

Om mel'hetartus, miše romanan sädajal Odessan jured oma: Väčeslav Bondarenkon ezitat, ezitatan tat da ezitatan ded oliba Odessan igähižed eläjad.

Parodijad

1. TV-programm: Sur' erind.
   Nimi: «Kapituläcii».
   Tegendan sija: Berlin, edehko Germanijan kapituläcijad (1945, keväz').
   Pähenged: Štirlic (Gocman), Pol'fric-pastor (Šlag-pastor, Fima-Pol'žid), Adik (Gitler).
2. TV-programm: Ehtaline «Kvartal-95» (studijan nimi).
   Nimi: «Koalicii».
   Tegendan sija: Ukrain, Odess, 2000-nziden voziden kahtenz' pol'
   Pähenged: Viktor Andrejevič (Juščenko Viktor, Ukrainan prezident), Julija Vladimirovna (Timošenko Julija, Ukrainan päministr), Vitä Janupončik (Janukovič Viktor, oppozicijan pämez'), Lucik (Lucenko Jurii, Südäiazjoiden ministrusen ministr), Senä (Jacenük Arsenii, Ülembaižen Radan spiker), Lönä Mihalič (Černoveckii Leonid, Kijev-lidnan pämez').
3. TV-programm: Sur' erind.
   Nimi: «Rikond».
   Tegendan sija: Sur' Britanii, Gocman avaidab kriminališt azjad rikondas Anglijan tetabidenke ecijoidenke ühtes.

Fil'madamižen jouk

• Režissör-fil'madai: Sergei Ursul'ak.
• Kinotarinantegii: Aleksei Pojarkov.
• Operator: Mihail Suslov.
• Muzikankirjutai: Enri Lolašvili.
• Päprodüserad: Aleksei Kuznecov, Jevgenii Popov.
• Prodüserad: Ruben Dišdišän, Aram Movsesän, Sergei Danielän, Jurii Moroz.
• Idei i fil'madamine: «Ded Moroz»-studii «Central Partnership»-ezipakičesen mödhe

Kacu mugažo

• Klavdija Šul'ženko pajatab «Kaks' sol'did»-pajod. (mayak.rfn.ru)

Irdkosketused

• Kodimaižen kinon enciklopedii (russiancinema.ru). «Heitämine» (ven.)
• Fil'madamižen sijidme (foto o-gon.livejournal.com-saital).
• Serialan polhe IMDb.com-saital.
• Fil'man treiler da fotokuvad ekranalpäi (russart.com).

Arvostelendkirjutused

• Prohanov Aleksandr. Voikuva imperijan ramas (zavtra.ru) veb-arhivas (web.archive.org). (ven.)
• Kahtenpagin fil'man tegijoidenke Izvestija-lehteses: «Gocman koli südäimen kibukuron tagut, a Nora Miškanke ajoiba Moskvaha» (izvestia.ru) veb-arhivas (web.archive.org). (ven.)
• Al'perina Susanna. «Vastuzsija...»:n voib vajehtada. Sidä ozuti «Heitämine»-serial. (rg.ru) (ven.)
• Sokolov Boris. Istorijan heitämine. (grani.ru) (ven.)
• Bogomolov Jurii. Voikuva. (rg.ru) (ven.)
• Kaikile ištta, olen Gocman! Oleg Jurjevan, Marija Galinan i Sergei Kuznecovan kirjutused «Heitämine»-serialan polhe (evrejižen kul'turan booknik.ru-sait). (ven.)