Nürnberg
Lidnanznam
|
Flag
|
| Valdkund | Saksanma |
| Eläjiden lugu (2015) | 509,975 ristitud |
| Pind | 186,38 km² |
| |
| Pämez' | Ul'rih Mali (semendku 2002—) |
| Telefonkod | +49-(0)911, 9122, 9129 |
| Aigvö | tal'vel UTC+1, kezal UTC+2 |
Nürnberg (mugažo saksan kelel, virktas [ˈnʏɐ̯nbɛɐ̯k], sen bavarijan alapagin Niamberg) om lidn Saksanman suves, Bavarii-federacijanman pohjoižes. Se om Bavarijan kahtenz' surtte lidn.
Lidn sijadase 170 km pohjoižhe federacijanman Münhen-pälidnaspäi.
Läz 3,5 mln ristituid elädas lidnaglomeracijas — Nürnberg-metropol'regionas.
Istorii[redaktiruida | redaktiruida purde]
Nürnbergan nimi mainitase ezmäižen kerdan vl 1050 lidnan statusanke: Noerenberg vai Nuorenberc — «kall'oikaz mägi». Lidn kavzoi ümbri Burg-lidnuses.
Vozil 1945−1949 Nürnbergine process mäni lidnas — riškotihe nacizmad da sudihe sen ogernikoid.
Geografijan andmused[redaktiruida | redaktiruida purde]
Nürnberg om saudud Pegnic-jogen molembil randoil. Jogi om keskustadud padoseinil lidnan röunoiš.
Lidnan keskuz sijadase 309 metrad keskmäižel korktusel valdmeren pindan päl.
Klimat om Atlantižen valdmeren. Heinkun keskmäine lämuz om +18 C°, vilukun — −1 C°. Paneb sadegid 645 mm vodes, enamba kezakus-elokus (211 mm).
Nürnberg jagase 10 statistižhe lidnrajonha (nomerad 0..9, saks. Stadtteil), ned alajagasoiš 87 statistižhe ümbrikho (saks. Statistischer Bezirk), ümbrikod — 316 distrikt:ha, distriktad — 3755 blok:ha (saks. Blöck), ned — 16848 blokseit:ha.
Transport[redaktiruida | redaktiruida purde]
Lidnan jogiport seižub Main-Dunai-kanalan randal. Nürnberg om avtote- da raudtesol'm.
Avtobusad, tramvaid da lidnelektrojonused (saks. S-Bahn) oma kundaližeks transportaks lidnan südäimes. Metro radab vspäi 1972 (saks. U-Bahn, vl 2015 om 3 jonod, 46 stancijad, 36 km raudted, niišpäi 30-km pala om manalaine).
Düreran Al'brehtan nimel nimitadud rahvahidenkeskeine civiline «Nürnberg»-lendimport (NUE) sijadase 5 kilometras pohjoižhe lidnan keskusespäi. Sišpäi tehtas reisid Evropan äjihe verhiže maihe, Saksanmadme, mugažo Turkanmaha.
Homaičendad[redaktiruida | redaktiruida purde]
Irdkosketused[redaktiruida | redaktiruida purde]
- Lidnan ohjastusen oficialine portal (nuernberg.de). (saks.) (angl.)
 |
Nürnberg Vikiaitas |