Palikir

Vikipedii-späi
Palikir
Valdkund Federativižed Mikronezijan Valdkundad
Eläjiden lugu (2009) 4,645 ristitud
Telefonkod +691-
Aigvö UTC+11


Lidnan sijaduz štatan territorijal

Palikir (mugažo anglijan kelel, virktas [ˈpælɪˌkɪər]) om FMV:oiden pälidn. Se on valdkundan kahtenz' lidn eläjiden lugun mödhe, mülüb Ponpei-štatan Sokehs-municipalitetha.

Istorii[vajehta | vajehtada tekst]

Eländpunkt oli olmas peneks küläks. Vl 1986 valdkund sai ripmatomut, i saudihe ut pälidnad külän sijas AÜV:oiden US$15 mln abunke, sirtihe Kolonia-lidnaspäi (Ponpei-štatan pälidn kahesa kilometrad pohjoižpäivnouzmha) vl 1989.

Palikir šingotase valdkundan pälidnan funkcijoil i turizmal.

Geografijan andmused[vajehta | vajehtada tekst]

Lidn sijadase valdkundan päivnouzmas, mägikahan Ponpei-saren lodehes, 80 m ü.m.t. keskmäižel korktusel. Tropižed mecad ümbärtas Palikirad.

Klimat om tropine vihmmecoiden tulleikaz, läz kaikenaigaine vodes läbi. Kun keskmäine lämuz vajehtase +26,6..+27,1 C° röunoiš. Paneb sadegid 5 202 mm vodes, kuidme 279 mm (uhoku) ..515 mm (eloku), Palikir om kaikiš nepsamb pälidn mail'mas. Kun keskmäine nepsuz om 81..84 %.

Eläjad[vajehta | vajehtada tekst]

Vl 2009 lidnan eläjiden lugu oli 4 645 ristitud. Kaiken Sokehs-municipalitetan ristitišt oli 6 647 eläjad vl 2010.

Eläjiden tobj pala om hristanuskojad (96 %, heiden pol' oma riman katolikad) i mikronezijalaižed.

Alaškol (angl.: Palikir Elementary School) radab lidnas. Üläopendusen škol Beili Olteran nimed sijadase Kolonia-lidnas.

Rahvahidenkeskeine lendimport radab kahesas kilometras pälidnaspäi Kolonia-lidnas.

Homaičendad[vajehta | vajehtada tekst]



Valdmerimaiden pälidnad
Apia | Funafuti | Honiar | Kanber | Madžuro | Ngerulmud | Nukualof | Palikir | Port Morsbi | Port Vil | Suv | Suvitarav | Vellington