Apia

Apia

Valdkund	Samoa
Eläjiden lugu (2021)	41,611 ristitud
Pind	123,81 km²
Telefonkod	+865
Aigvö	tal'vel UTC+13, kezal UTC+14

Lidnan keskuzpalan kart (2004)

Apia (mugažo samoan i anglijan kelil) om Samoan pälidn, kaikiš suremb lidn da meriport, valdkundan üläopendusen keskuz. Mülüb Tuamasag-ümbrikho.

Istorii

Pen' külä 304 eläjanke oli lidnan sijas vl 1800. Nügüdläižen eländpunktan aluz om pandud vl 1837. Vll 1900−1919 se oli Germanijan Samoan administrativižeks keskuseks. Ripmatoman valdkundan pälidn vspäi 1962.

Rahapanmižen i aviakompanijoiden päfaterad oma saudud Apias, reskveden edheotandad.

Geografijan andmused

Lidnan sijaduz valdkundas vn 2007 kartal

Lidn sijadase suvipäivnouzmaižen Upolu-saren pohjoižel randal, kaks' metrad ü.m.t. keskmäižel korktusel. Kovad tulleid oma paksud.

Klimat om tropine neps meren. Kun keskmäine lämuz om +25..+26 C° vodes läbi. Ekstremumad oma +17 C° i +33 C°. Paneb sadegid 2850 mm vodes, vähemba heinkus-elokus (80 mm kus).

Eläjad

Apian kart ezilidnoidenke (2007)

Vn 2011 Samoan rahvahanlugemižen mödhe lidnan eläjiden lugu oli 36 735 ristitud, valdkundan videndez. Kaikiš suremb lidnan ristitišt om nügüd'.

Uskojad oma hristanuskondan polenpidajad tobjimalaz: protestantad — 50 %, katolikad — 45 %, toižed uskojad — 5 %.

Samoan Nacionaline universitet baziruiše lidnas (sam.: Lē Iunivesitē Aoao o Sāmoa, angl.: National University of Samoa, alusenpanend 1984, 2,7 tuh. üläopenikoid vl 2020), medicinine škol (vll 2002−2014 privatine Valdmerimaiden medicinine universitet) om sen palaks. Suvitün'valdmerine universitetan (Suv) filial om avaitud. Severz'-se kolledžid anttas professionališt opendust mugažo.