Suv

Vikipedii
Jump to navigation Jump to search
Suv
Suva (angl., fidžin hindi)
Valdkund Fidži
Eläjiden lugu (2009) 88 271 ristitud
Suv Suva (angl., fidžin hindi)
Telefonkod +679-
Aigvö tal'vel UTC+12 
kezal UTC+13


Suv (angl.: Suva, mugažo fidžin hindikš) om Fidžin pälidn da kaikiš suremb lidn Suvižiš Valdmerimaiš (päiči Avstralijan da Uden Zelandijan lidnoiš). Se om valdkundan ižandusen da politikan keskuz, Keskuzližen ümbrikon administrativižeks keskuseks mugažo.

Istorii[redaktiruida | redaktiruida purde]

Vspäi 1952 Suv om lidnan statusanke. Valdkundan prezidentan pert'kulu, ohjastusen da parlamentan sauvused sijadasoiš lidnas.

Sömän i sauvondmaterialiden tegimed ratas lidnas. Suv om äjiden bankoiden da torguindkeskusiden sija.

Vl 2003 lidn vastsi Suvitün'valdmerižid vändoid koumen kerdan.

Geografijan andmused[redaktiruida | redaktiruida purde]

Lidn sijadase Viti Levu-saren suvipäivnouzmaižel randal, penel pol'sarel. Enččel sod ottihe lidnan territorijad. Järedad ezilidnad oma Nasinu i Nausori pohjoižpäivnouzmas.

Klimat om ekvatorialine vihmmecoiden, torokad oleldas. Päivän keskmäine lämuz om +24..+27 C° vodes läbi. Paneb sadegid 3023 mm vodes, vähemba heinkus — 136 mm. Lidnas eile leterandoid lebun täht, no om 78 puištod.

Suv jagase kudeks rajonaks (keskuz, pohjoine, sid' častomaraižen mödhe): Keskuzline, Tamavua, Kanningem (angl. Cunningham), Nabua, Samabula, Muanikau.

Eläjad[redaktiruida | redaktiruida purde]

Vn 2007 Fidžin rahvahanlugemižen mödhe 167 975 ristitud elihe lidnaglomeracijas[1] 2048 km² pindal.

Lidnas om läz kahtkümned openduzsijad, sidä kesken Fidžin medicinan openduzsija da Suvitün'valdmerižen universitetan alajaguz (angl.: University of the South Pacific).

Transport[redaktiruida | redaktiruida purde]

Suv om järed transportsol'm. Kaks' rahvahidenkeskešt lendimportad sijadasoiš ezilidnoiš: Nandi (NAN, rahvahidenkeskeine todesižikš) da Nausori (lendused valdkundadme da Tuvaluhupäi). Mugažo valdkundan kaikiš suremb port radab valdmeren randal.

Galerei[redaktiruida | redaktiruida purde]

Homaičendad[redaktiruida | redaktiruida purde]

  1. Vn 2007 rahvahanlugemižen satused. — Fidžin Statistikan Radnikoičend (statsfiji.gov.fj). (angl.)

Irdkosketused[redaktiruida | redaktiruida purde]



Valdmerimaiden pälidnad
Apia | Funafuti | Honiar | Kanberr | Madžuro | Ngerulmud | Nukualof | Palikir | Port Morsbi | Port Vil | Suv | Suvitarav | Vellington