Vellington

Vellington
Wellington (angl.)
Te Whanga-nui-a-Tara (maori)

Lidnanznam	Flag
Valdkund	Uz' Zelandii
Eläjiden lugu (2018-06)	418,500 ristitud
Pind	442 km²
Pämez'	Džastin Lester (reduku 2016—)
Telefonkod	+64-(0)4
Aigvö	tal'vel UTC+12, kezal UTC+13

Vellington (angl.: Wellington, maor.: Te Whanganui-a-Tara [tɛ ˈfaŋanʉi a taɾa] «sur' Tar-laht») om Uden Zelandijan pälidn i valdkundan kahtenz' lidnanterritorii (Sur' Vellington) eläjiden lugun mödhe. Se om kaikiš suvemb ripmatoman valdkundan pälidn mail'mas.

Istorii

Eländpunktan aluz om pandud vl 1839. Se om nimitadud anglijalaiž-alamalaižiden sodavägiden Artur Uelsli Vellington-gercogan-fel'dmaršalan oiktastuseks kitmähä abus ezmäižile sirdanuzile mehile. Kändihe pälidnaks vl 1865.

Geografijan andmused

Nell' nevondkundad ohjastadas Vellingtonan lidnanterritorijal (ruza, 2008).

Vellingtonan lidnanterritorii sijadase Tünen valdmeren Kukan sal'men randal, valdkundan keskuzpalan pohjoižpäivnouzmas, Pohjoižen saren suves, 0..495 m korktusil, 10 m ü.m.t. keskmäižel korktusel. Lujad manrehkaidused oleldas paksus, ned oliba vozil: 1848, 1855 (8,2 magnitud), 1942, 2010, 2011, 2016 (7,8 magnitudanke).

Eläjad da transport

Vn 2013 Uden Zelandijan rahvahanlugemižen mödhe lidnanterritorijan eläjiden lugu oli 381 090 ristitud. Kaikiš suremb ristitišt om nügüd'.

Avtobusad i ezilidnelektrojonused oma kundaližeks transportaks lidnas.

Irdkosketused

• Lidnan oficialine sait (wellington.govt.nz). (angl.)