San Paulu

San Paulu
São Paulo

Lidnanznam	Flag
Valdkund	Brazilii
Eläjiden lugu (2017)	12 106 920 ristitud
Pind	1 523 km²
Pämez'	Bruno Kovas (sulaku 2 018—)
Telefonkod	+55-11
Aigvö	UTC−3

Lidnan municipijan jagand.

San Paulu (port.: São Paulo [sɐ̃w ˈpawlu]) om Brazilijan, Suviamerikan da Suvižen šurupoliškon kaikiš suremb lidn eläjiden lugun mödhe. Om ühtennimižen štatan pälidnaks.

Istorii

Eländpunktan aluz om pandud katoližel missijal vl 1554 sijha, kuspäi Santus-port nägui. San Paulu sai lidnan statusad vl 1711. Šingotaškanzi kofen eksportal.

San Paulu om Latinižen Amerikan kaikiš znamasižemb azjaline keskuz. Lidnan i Rion biržsistemad oma ühtmudeks.

Geografijan andmused

Lidn sijadase Brazilijan suvipäivnouzmas, Brazilijan mägištol, 800 m valdmeren pindan päl. Matkad Atlantižen valdmeren randišthosai om 70 km vaiše (Santus-avanport). Matkad Rio-de-Žaneirohosai om 300 km päivnouzmha.

Klimat om subtropine. Paneb sadegid 1285 mm vodes. Kuiv sezon om tal'vel (kezaku-eloku, 110 mm koumes kus), vihmoiden sezon om tal'vkus-keväz'kus (774 mm).

San Paulu jagase 9 zonha, ned alajagasoiš 32 lidnrajonha (port. subprefeitura).

Eläjad

Vn 2011 Brazilijan rahvahanlugemižen mödhe lidnan eläjiden lugu oli 11 316 149 ristitud. Läz 21 mln ristituid eläb lidnaglomeracijas (port.: Grande São Paulo, kaikiš suremb valdkundas).

Transport

Avtobusad, trolleibusad, ezilidnelektrojonused, punolendimed i taksid oma kundaližeks transportaks lidnas. Metropoliten radab vspäi 1974 (5 jonod, 69 stancijad, 76 km raudted).

Kaks' rahvahidenkeskešt lendimportad holitadas lidnad, ned oma San Paulu − Guarul'jus (GRU) i Kogonjas − San Paulu (CGH).

Irdkosketused

• San Paulu-prefekturan oficialine sait (capital.sp.gov.br). (port.)