Strogalščikova Zinaida

Strogalščikova Zinaida
	Strogalščikova Zinaida
	veps.: Zinaida Ivanovna Strogal’ščikova
	; Zinaida Strogalščikova vl 2015
radmižen toižend:	политическая деятельница
sündundan dat:	7. kül’mku 1948
valdkund:	Nevondkundaližiden Socialistižiden Tazovaldkundoiden Ühtištuz; Venäma

Zinaida Ivanovna Strogalščikova (ven.: Зинаи́да Ива́новна Строгальщикова, sünd. 7. kül'mkud 1948 Sarozero-külähä, Kos'kenaluižen rajon, Leningradan agj, Venäman NFST, NSTÜ) om vepsläine naine, politikanmez', Vepsän kul'turan sebran varaezimez' (ende pämez').

Tedonaine i kundaline šingotai, istorižiden tedoiden kandidat, Karjalan Tedokeskusen ühtnii, sen Kelen, literaturan i istorijan institutan vanhemb tedoradnik.

Biografii

Zinaida openui Leningradan valdkundaližen universitetan A.A. Ždanovan nimed istorižel fakul'tetal da lopi sidä. Openui da vaumiči NSTÜ:n Tedoakademijan Etnografijan institutan N.N. Mikluho-Maklain nimed aspiranturad. Naine om enamba mi 80 tedotön tegijan, niiden kesken monografijad oma kirjutadud vepsläižiden polhe.

Strogalščikova radoi Karjalan Tazovaldkundan tobmuden organoiš: oli Ülembaižen Nevondkundan deputatan, sen kaikenaigaižen laudkundan ezimehen nacionaližes politikas, kul'turas, keles i istorižen jäl'gusen kaičendas; Käskusenandajan suiman deputatan, sen komitetan ezimehen valdkundaližes sauvondas, sijaližen ičeohjandusen küzundoiš i nacionaližes politikas. Tedonaine radoi ÜRO:n Kaikenaigaižen foruman ekspertan igähižiden rahvahiden küzundoiš sen organizacijan Ekonomižen i Socialižen Nevondkundanno, sil radinsijal edesti Venäman i Päivnouzmaižen Evropan valdkundoiden jur'rahvahiden mel'hetartusid.

Zinaida Strogalščikovan abul Karjalan Tazovaldkundan vepsläižed oma mülütadud Venälaižen Federacijan igähižiden vähäluguižiden rahvahiden ühthižhe nimikirjuteshe i Venälaižen Federacijan Pohjoižen, Sibirin i Edahaižen Päivnouzman igähižiden vähäluguižiden rahvahiden nimikirjuteshe. Nügüd'aigan se abutab vedada Karjalan Tazovaldkundha rahoid federaližes büdžetaspäi pid'oitelemha vepsläižiden sociališt šingotest.

Meiden päivil tedonaine om Karjalaižiden, vepsläižiden i suomalaižiden ezitajiden nevondkundan ühtnijan Karjalan Tazovaldkundan pämehenno, Regionoidenkeskeižen kundaližen «Venälaižen Federacijan Pohjoižen, Sibirin i Edahaižen Päivnouzman igähižiden vähäluguižiden rahvahiden kodikelen da literaturan opendajiden associacii»-likundan radonoigendajan komitetan ezimehen. Ühtni Organizacižhe komitetha Rahvahidenkeskeižen igähižiden rahvahiden keliden voden vaumičendas da vedandas Venälaižes Federacijas vl 2019.

Arvlahjad

«Edessatusiš Tatanmas»-ordenan mötal' kahtenden märpordhan (19. tal'vku 2019) — sures tondas tedon šingoteshe i äivoččes tarkas rados^[1].
Marijan man Ristan orden videnden klassan (4. uhoku 2015, Estinma)^[2].

Homaičendad

Irdkosketused

[1] Указ Президента Российской Федерации от 19 декабря 2019 года № 611 «О награждении государственными наградами Российской Федерации» (Venälaižen Federacijan Prezidentan käsk vn 2019 tal'vkun 19. päiväspäi № 611 «Lahjatandas Venälaižen Federacijan valdkundaližil arvlahjoil») publication.pravo.gov.ru-saital. (ven.)

[2] Zinaida Strogalštšikova. Teenetemärkide kavalerid (Zinaida Strogalščikova. Arvlahjoiden kavalerad) president.ee-saital. (est.)

[1]

[2]