Tän'-šanine kuz'

Tän'-šanine kuz'
Tän'-šanine kuz' (Picea schrenkiana subsp. tianschanica)
Tedoklassifikacii
Valdkund: Kazmused Palakund: Kavag'kazmused (Pinophyta) Klass: Kavag'kazmused (Pinopsida) Kund: Pedaižed (Pinales) Sugukund: Pedaižed (Pinaceae) Heim: Kuz' (Picea) Erik: Šrenkan kuz' Alaerik: Tän'-šanine kuz'
Latinankel'ne nimi
Picea schrenkiana subsp. tianschanica (Rupr.) Bykov, 1950
Sistematik Vikierikoiš Kuvad Vikiaitas ITIS {{{1}}} NCBI 162307

Tän'-šanine kuz' (latin.: Picea schrenkiana subsp. tianschanica) om Kuz'-heimon Šrenkan kuz'-erikon alaerik. Keskuzazijan Tän'-Šan'-mägiden endemik.

Leviganduz

Londuseline levigandmižavaruz om Šrenkan kuzen arealan suvipäivlaskm, Almatin zavodiden, Kazahstanan suvipäivnouzmas i Kirgizstanas.

Kazvab mecoikš mägiden pautkil 1300..3600 m ü.m.t. Šrenkan kuzenke.

Ümbrikirjutand

Pud sadas 60 metrhasai kortte, tüven diametr oleleb kaks' metrad. Eläb 250..350 vot keskmäras.

Kor' om koričman mujun. Kron om cilindranvuitte vai kaidan piramidan formal. Jur'sistem kazvab mas pindanno. Om jakkar'jurid, sötmižjuriden erineden ned kärautas kovan alusen alle (sur' kivi, kall'on iškend) i pid'oiteldas pud püštoiktas olendas. Kavagen neglad kazdas radialižikš, oma oigetud edehepäi, niiden poikpol'ne leiktuz om rombine.

Käbud kazdas 10..60-voččes igäspäi, rippub kazvandan arvoimižišpäi. Cilindranvuiččed käbud oma vihandan vai ruskedsinižen mujun, 6..11 sm pitte, 2,5..3,5 sm diametral. Kuz' äikerdoičese niiden semnil, oleskeldas küpsad sügüz'kus-redukus, tullei levitab niid.

Kävutand

Tän'-šanine kuz' om arvokahan pumaterialan purde. Ottas sidä sauvomižes kaičemha pertid manrehkaidusid vaste, letas pühäpertid. Hätkeližed seibhad tuldas. Pun südäin om torhuz bumagan tehmižes. Kor' voib olda dubindsubstancijoiden purtkeks.

Ištutadas puištoihe dekorativižeks kazmuseks.