Tammut

Vikipedii
Mine navigeerimisribale Mine otsikasti
Tammut
Tammut
Ujelii tammut (Ajuga reptans) Vašingtonan sadus, AÜV
Tedoklassifikacii
Valdkund: Kazmused
Palakund: Änikkazmused (Magnoliophyta)
Klass: Kaksidülehtesižed (Dicotyledones)
Kund: Lamiales
Sugukund: Lamiaceae
Heim: Tammut
Latinankel'ne nimi
Ájuga L., 1753

Wikispecies-logo.svg
Sistematik
Vikierikoiš

Commons-logo.svg
Kuvad
Vikiaitas

ITIS 32451
NCBI 38595

Tammut (latin.: Ajuga) om üks'voččiden i äivoččiden heinäsižiden kazmusiden heim Lamiaceae-sugukundaspäi. Kogoneb läz 65 erikospäi.

Leviganduz[redaktiruida | redaktiruida purde]

Erikoiden enambuz kazvab Evropas i Azijas, mugažo 7 erikod Afrikas (sidä kesken 4 Madagaskar-sarel) i 2 erikod Avstralijan suvipäivnouzmas. Severz'-se erikoid oma naturalizuidud Amerikas.

Kazmusen nägu vajehtub mahusen i klimatan mödhe. Kuivudenvastaine heim.

Ümbrikirjutand[redaktiruida | redaktiruida purde]

Täuz'kaznu tammut oleskeleb 5..50 santimetrad kortte, om erikoid ujelijoidenke i seižujidenke seikhidenke. Lehtesed kazdas paroil, jurenno ned oma järedamb mi ülähän.

Ruskedsinižed pened kellonvuiččed änikod kazdas renghil. Änikoiden muju voib olda pakuine, vauged, ruza, sivivauvaz i purpurine mugažo. Änikuz om tähk, voib augotadas ani maspäi.

Kävutand[redaktiruida | redaktiruida purde]

Keskaigan ištutadihe Evropas pertiden katusil kaičemha niid samaldust vaste. Kul'tiviruidas ujelijad, ženevalašt i piramidanvuittušt tammut saduiš dekorativižeks kazmuseks, sädihe äi kirjavid sortuid.

Ottas turkestanižen tammuden unotest, pekstud lehtesid i südäivet tonizirujaks zelläks.

Valitud erikod[redaktiruida | redaktiruida purde]

  • Ajuga arabica — Arabijan tammut
  • Ajuga australis — Avstraline tammut
  • Ajuga genevensisŽenevalaine (Karvakaz) tammut
  • Ajuga japonica — Japonine tammut
  • Ajuga novoguineensis — Uden Gvinejan tammut
  • Ajuga orientalis — Keskmeren tammut
  • Ajuga pyramidalisPiramidanvuitte tammut, heimon tipine erik
  • Ajuga reptansUjelii (Järgeline) tammut
  • Ajuga turkestanica — Turkestanine tammut

Homaičendad[redaktiruida | redaktiruida purde]