Tekil

Vikipedii
Mine navigeerimisribale Mine otsikasti
Tekilan erazvuiččed brendad

Tekil (isp.: Tequila) om väghine alkogoline jom (meskal').

Sadas jomad azur'žen agavan (latin.: Agave tequilana) fermentiruidud südäiveden distilläcijal vaiše Meksikan neciš vides štatas: Halisko, Guanahuato, Mičoakan, Najarit i Tamaulipas. Ezmäine tegim radaškanzi Tekil-lidnas vl 1795, nimitihe jomad sen mödhe. Jom sai rahvahidenkeskešt populärižust vn 1968 Olimpižiden vändoiden jäl'ghe Mehiko-lidnas. Tekilan tehmižen eksklüzivine oiktuz om Meksikan edheotajil vspäi 1974.

Joman tehmine zavodihe 16. voz'sadal. Sen vahvuz om 38..55 procentad röunoiš. Fermentacijan jäl'ghe joman vahvuz om vaiše läz 18 %, ka sadas tarbhašt vahvust kaksitadud distilläcijal. Tetabad torguindznamad oma Olmeca, Cazadores, Camino Real, Don Julio, Sauza.

Tekilan rahvahaline praznik oigendase Tekil-lidnas (Halisko-štat) joga voden kül'mkun 29. päiväspäi tal'vkun 13. päivhäsai, avaidase surel jarmankal. Se praznik vedatab turistoiden äjüt lähižiš agjoišpäi i verhiš maišpäi. Vl 2018 Meksikan senat vahvišti, miše Tekilan rahvahaline päiv om keväz'kun koumanz' sobat[1]. Mugoi-žo päiv oigendase AÜV:oiš joga voden 24. päiväl heinkud.

Homaičendad[redaktiruida | redaktiruida purde]

  1. Stephen Woodman. Mexico's Senate Just Declared a New National Tequila Day (Meksikan senat tedoti udes Tekilan rahvahaližes päiväs). — Theculturetrip.com. (angl.)


Wiki letter w.svg Nece kirjutuz om vaiše ezitegez. Tö voit abutada meile, ku kohendat sidä da ližadat sihe.