Uz' Devätkino

Uz' Devätkino
Новое Девяткино (ven.)
Lidnanznam;	Flag;
Valdkund	Venäma
Eläjiden lugu (2025)	25,828 ristitud
Pind	5,77 km²
Pämez'	Dmitrii Maiorov; (2006—)
Telefonkod	+7−81 370-xx-xxx.; +7−812-xxx-xxxx
Avtokod	47
Aigvö	UTC+3 (MSK+0)

Uz' Devätkino (ven.: деревня Новое Девяткино, suom.: Uusi Miina) om külä Leningradan agjan Vsevoložskan rajonan päivlaskmas. Mülüb Piterin aglomeracijha sen pohjoižpäivnouzmas.

Külä om Uden Devätkinon küläkundan administrativine keskuz i üks'jäine eländpunkt.

Istorii

Nügüdläižen eländpunktan aluz om pandud vl 1888 sirtud eläjil-inkeriläižil lähižes Devätkino-küläspäi.

Uz' Devätkino šingotaškanzihe Leningradan metalližen tegimen «Turboatomgaz»-tegimištlavudel, se om saudud i radab vspäi 1977. Toižed järedad edheotandad oma Pohjoine LEK i murdonümbriradai tegim. Äi eläjid ratas Piteriš.

Geografijan andmused

Uden Devätkinon küläkund rajonas vn 2014 kartal

Külä sijadase ani pohjoižhe Piter-regionaspäi. Matkad rajonan Vsevoložsk-keskushesai om kümne kilometrad päivnouzmha-suvipäivnouzmha orhal vai 21 km avtotedme. Toine lähembaine lidn om Murino ani suvipäivnouzmha.

Kaik koumetoštkümne nimitadud irdad i nell' kujod om küläs. Devätkino-metrostancii om nimitadud Uden Devätkinon mödhe, stancii sijadase lähižes Murino-lidnas.

Eläjad

Külän eziauguižed eläjad oliba deportiruidud vl 1942.

Vl 2010 külän eläjiden lugu oli 10 978 ristitud, vn 2021 — 23 988 ristitud. Kaik 19 603 ristitud elihe küläs vl 2019. Nece om kaikiš suremb külähine eländpunkt Leningradan agjas. Kaikiš suremb külän ristitišt om nügüd'.

Irdkosketused

Uden Devätkinon küläkundan oficialine sait (novoedevyatkino.ru). (ven.)

Uz' Devätkino Vikiaitas