Vičenc

Vičenc
Vicenza
Lidnanznam;	Flag;
Valdkund	Italii
Eläjiden lugu (2026)	111,041 ristitud
Pind	80,57 km²
Pämez'	Džakomo Possamai; (kezaku 2023—,; Giacomo Possamai)
Telefonkod	+39-(0)444
Aigvö	tal'vel UTC+1,; kezal UTC+2

Vičenc (ital.: Vicenza [viˈtʃɛntsa], venet.: Vicénsa [viˈtʃeŋ(t)sa], latin.: Vicetia) om lidn Italijan pohjoižpäivnouzmas, Venecijan agjas. Om Vičencan provincijan administrativižeks keskuseks.

Istorii

Eländpunktan aluz om pandud 11. i 7. voz'sadoiden keskes edel m.e. amuižiden pertiden alusiden tedoidusen mödhe.

Vičencan ižandused sarakod oma omblendtegimišt (viž kompanijad), mašiništon tehmine, kuldasižiden juvelirižiden tegesiden pästand, turizm mail'man jäl'gusen sijidme. Om järedoiden bankoiden päfateroid.

Geografijan andmused

Lidn sijadase provincijan keskuzpalan suvipäivnouzmas, agjan keskuzpalan päivlaskmas, Bakkil'jone-jogen da Retrone-ližajogen ühthejoksmusen randoil, Padanan alangištos, 39 m ü.m.t. keskmäižel korktusel. Al'pad seištas pohjoižhe da päivlaskmha lidnaspäi. Voib olda sur'vezid i koume..nell'ballaižid manrehkaidusid.

Matkad Venecijhasai om kuz'kümne kilometrad päivnouzmha raud- i avtotedme. Toižed lähembaižed lidnad oma Padui 30 km suvipäivnouzmha orhal vai koumekümne viž kilometrad avtol i Veron 45 km päivlaskmha-suvipäivlaskmha orhal vai 52 km avtotedme.

Tobmuz

Vičenc jagase seičemeks sektoraks (äilugu ital.: circoscrizioni), ned alajagasoiš 22 fartalaks (äilugu quartieri).

Edeližed lidnan pämehed oma Frančesko Ruččo (Francesco Rucco, kezaku 2018 — semendku 2023), Akille Variati (Achille Variati, semendku 1990 — semendku 1995, sulaku 2008 — kezaku 2018).

Eläjad

Vl 2014 lidnankundan eläjiden lugu oli 113,655 ristitud, vn 2017 lopus — 111,620 ristitud. Läz 270 tuhad eläjid om ezilidnoidenke (2014). Kaikiš suremb lidnan ristitišt oli 116,620 eläjad vl 1971.