Čegem

Čegem
Чегем (ven. i kar. da balk.)
Шэджэм (kab. da čerk.)
Valdkund	Venäma
Eläjiden lugu (2025)	21,161 ristitud
Pind	77,85 km²
Pämez'	Alim Gubžokov; (kül'mku 2021—)
Telefonkod	+7−86 634-xx-xxx
Avtokod	07
Aigvö	UTC+3 (MSK+0)

Čegem (ven.: Чеге́м, kar. da balk.: Чегем, kab. da čerk.: Шэджэм) om Venäman lidn Kabardinijan da Balkarijan Tazovaldkundan keskuses, Nal'čikan pohjoine ezilidn. Se om Čegeman rajonan administrativine keskuz da üks'jäine lidn.

Istorii

Eländpunktan aluz om pandud vl 1822 kuti Kundetovo-külä (kab. da čerk.: Къундетей) elänzoitmaha tahod alištunuzil Venäman tobmudele sijaližil heimoil. Vl 1920 udesnimitihe žilod Ezmäižeks Čegemaks (ven.: Чегем Первый) toižiden eländpunktoiden kartte ruhtinasiden da bajarišton kanzannimidenke. Vl 2000 žilo sai lidnan statusad nügüdläiženke nimenke.

Čegem šingotase stökoltegimel (butulkad, om rekonstruiruidud vodele 2022), gofrokartonpakuitesen pästandal^[1], nahktegimel, sömtegimišton edheotandoil (maidtegim). Kazmuzhonusiden i fruktsaduiden pind ližadub, kalankazvatusen edheotand radab.

Geografijan andmused

Lidn sijadase rajonan pohjoižpäivnouzmas, Čegem-jogen oiktal randal (Terekan bassein), 493 m keskmäižel korktusel valdmeren pindan päl, korktused vajehtadas 150 m röunoiš.

Matkad Nal'čikan röunhasai om koume kilometrad suvhe.

Tobmuz

Čegem om lidnankundan üks'jäižeks eländpunktaks. Lidnankundan pind om 77,85 km², sidä kesken lidnfartalad ottas koumandest, toine om ezilidan territorii.

Lidnankundan tobmuden pämez' om sen Sijaližen administracijan pämez'. Edeline lidnan Administracijan pämez' om Leonid Makoev (uhoku 2016 — kül'mku 2021).

Eläjad

Vn 2010 kaiken Venäman rahvahanlugemižen mödhe lidnan eläjiden lugu oli 18 019 ristitud, rajonan nelländez, vn 2021 — 20 736 ristitud. Kaik 18 043 eläjad oli lidnas vl 2017. Kaikiš suremb lidnan ristitišt om nügüd'.

Rahvahad (enamba 1 % vl 2010, ozutadud rahvahudenke): kabardalaižed — 78,6 %, balkarijalaižed — 15,9 %, venälaižed — 2,7 %, toižed rahvahad — 2,8 %.

Kaik koume islaman pühäpertid om saudud lidnas: üläpalas, keskmäižes palas (Abu Hanifan nimed) i alapalas.

Openduz

Lapsiden opendusen aluzkundad oma viž augotižškolad-päivkodid (nomer 1..5), viž keskškolad (nomer 1..5), gimnazii nomer 1, lapsiden sädamižen pert', muzikškol, rajonan olimpižen varan sportškol, rajonan noriden tehnikanradajiden stancii, rajonan noriden londusentedajiden stancii.

Kabardinijan da Balkarijan «Stroitel'»-kolledžan (Nal'čik) filial om avaitud lidnas.