Terek (lidn)

Terek
Терек (ven.)
Тэрч къалэ (kab. da čerk.)
Терк (kar. da balk.)
	Lidnanznam;
Valdkund	Venäma
Eläjiden lugu (2025)	20,154 ristitud
Pind	8,83 km²
Pämez'	Oleg Šomahov; (viluku 2017—)
Telefonkod	+7−86 632-xx-xxx
Avtokod	07
Aigvö	UTC+3 (MSK+0)

Sil sanal voib olda toižid znamoičendoid; miše nähta niid, tulgat tänna.

Terek (ven.: Те́рек, kab. da čerk.: Тэрч къалэ, kar. da balk.: Терк) om Venäman lidn da lidnankund Kabardinijan da Balkarijan Tazovaldkundan päivnouzmas. Se om Terekan rajonan administrativižeks keskuseks da palaks.

Istorii

Eländpunktan aluz om pandud vl 1876 kuti Murtazovo-raudtestancii (sijaline Мэртэзей) «Rostov — Vladikavkaz»-jonol, nimitihe kabardinižen bajarišton Murtazovad-kanzannimen mödhe. Udesnimitihe nügüdläižikš vl 1920. Suren sodan aigan oli okkupiruidud vn 1942 lopus severz'-se nedalid. Radnikžilo sai lidnan statusad vl 1967.

Terek-lidn šingotase diamantoiden ümbriradmižel, diamantinstrumentan tegim^[1] radab, mugažo konservtegim i villänpurnud oma saudud.

Geografijan andmused

Lidn sijadase rajonan suvipäivlaskmas, Terek-jogen oiktal randal, 255 m keskmäižel korktusel valdmeren pindan päl.

Matkad Nal'čikhasai om vižkümne koume kilometrad päivlaskmha avtotedme. Lähembaine lidn om Maiskii 25 km pohjoižhe.

Tobmuz

Terek om lidnankundan üks'jäižeks eländpunktaks.

Lidnan Sijaližen ičeohjandusen nevondkundan ezimez' om Zaurbi Haradurov vn 2016 kül'mkuspäi.

Eläjad

Vn 2010 kaiken Venäman rahvahanlugemižen mödhe eläjiden lugu oli 19 170 ristitud, rajonan kaks' videndest, vn 2021 — 19 948 ristitud. Kaik 19 449 eläjad oli lidnas vl 2017. Kaikiš suremb lidnan ristitišt oli 20 300 eläjad vl 2003 i om nügüd', vajehtase 19..20 tuhad eläjid röunoiš vspäi 2002.

Rahvahad (enamba 1 % vl 2010, ozutadud rahvahudenke): kabardalaižed (čerkesalaižed) — 85,6 %, venälaižed — 10,0 %, osetinalaižed — 1,1 %, toižed rahvahad — 3,3 %.

Islaman nell' pühäpertid oma saudud lidnas: «Džennet», «Islam», «Ramadan», «Tauhid».

Openduz

Lapsiden opendusen aluzkundad oma päivkodi nomer 3, kaks' progimnazijad (nomer 1 i 2), kaks' školanedelišt palakundad (nomer 4 i 5), aluzškol nomer 4, kaks' keskškolad (nomer 2 i 3), licei nomer 1, kadetškol-internat nomer 3 (aluzškol), lapsiden sädamižen keskuz, lidnan čomamahtoiden škol, olimpižen varan sportškol.

Kabardinijan da Balkarijan avtotesauvondan kolledžan filial^[2] om lidnan professionaližen opendusen aluzkundaks.