Šimkent

Vikipedii
Mine navigeerimisribale Mine otsikasti
Šimkent
Шымкент / Şymkent
Lidnanznam
Coat of arms of Shymkent.png
Valdkund Kazahstan
Eläjiden lugu (2022-01) 1,112,739 ristitud
Pind 1,162,8 km²
Šimkent Шымкент / Şymkent
Pämez' Murat Aitenov
(viluku 2020—)
Telefonkod +7−7252
Aigvö UTC+6


Lidnan nell' administrativišt rajonad

Šimkent (kaz.: Шымкент / Şymkent, ven.: Шымкент, kazahan virkand: [ʃɯmˈkɛnt]) om Kazahstanan lidn tazovaldkundan alištusenke. Se om valdkundan koumanz' lidn eläjiden lugun mödhe.

Istorii[redaktiruida | redaktiruida purde]

Eländpunktan aluz om pandud 12. voz'sadal. Edel vn 1992 sügüz'kud oficialine nimituz oli Čimkent.

Šimkent šingotase mujumetalloiden metallurgijal, mašinansauvomižel (seppressad, avtoiden da traktoriden palad), himižel zell'tegimel, kivivoin ümbriradmižel, tekstil'sarakol (sobad), erazvuiččel sömtegimištol.

Geografijan andmused[redaktiruida | redaktiruida purde]

Lidn sijadase valdkundan suves, 506 m keskmäižel korktusel valdmeren pindan päl. Om ümbärtud Turkestanan agjan territorijal.

Šimkent jagase nelläks rajonaks, jogahižes ičeze administracii om: Abain (kaz.: Абай ауданы), Al'-Farabijan, Jenbekšin, Karataun.

Eläjad[redaktiruida | redaktiruida purde]

Vl 2014 eläjiden lugu oli 854 500 ristitud 347 km² pindal. Kaikiš suremb ristitišt om nügüd'. Lidnaglomeracijas elädas 1,8 mln ristituid (2019, 2. sija valdkundas).

Rahvahad (lidnalaižed, vn 2020 augus): kazahlaižed — 67,47%, uzbekad — 17,69%, venänikad — 8,91%, azerbaidžanlaižed — 1,74%, totarlaižed — 1,01%, turkad — 0,72%, korejalaižed — 0,65%, ukrainalaižed — 0,24%, toižed rahvahad — 1,56%.

Professionaližen üläopendusen aluzkund om valdkundaline Suvikazahstanan universitet M.O. Auezovan nimed[1] (17,3 tuh. üläopenikoid, kaz.: М.О. Әуезов атындағы Оңтүстік Қазақстан университеті (ОҚМУ)). Se om sätud lidnan kaikenvuiččiden üläopendusen aluzkundoiden ühtištusel vl 1998, niišpäi kaikiš vanhemb oli alusenpandud vl 1943 kuti Sauvondmaterialiden tehnologine institut.

Homaičendad[redaktiruida | redaktiruida purde]

  1. Suvikazahstanan universitetan Muhtar Auezovan nimed sait (auezov.edu.kz). (kazah.) (ven.) (angl.)

Irdkosketused[redaktiruida | redaktiruida purde]