Akapul'ko

Akapul'ko
Acapulco de Juárez
	Lidnanznam;
Valdkund	Meksik
Eläjiden lugu (2012)	687,608 ristitud
Pind	119 km²
Pämez'	Adela Roman Okampo; (reduku 2018 — 2021)
Telefonkod	+52−744
Aigvö	tal'vel UTC−6,; kezal UTC−5

Akapul'ko (isp.: Acapulco de Juárez [akaˈpulko ðe ˈxwaɾes] Akapul'ko de Huares, nauatl': Acapolco) om Meksikan lidn, valdmeriport da kurort. Se om Gerrero-štatan kaikiš suremb lidn.

Istorii

Eländpunktan aluz om pandud vl 1531. Sai monopolijan oiktust torguindan Filippinoidenke täht vl 1573, muga kändihe znamasižeks lidnaks. Panihe San Diego-lidnusen alust (nüg. mülüb lidnha) kaičemha Akapul'kod merirazbainikoišpäi. 1950-nzil vozil se šingotihe tetabaks kurortaks AÜV:oiden elokahil mehil da Gollivudan tähthaižil.

Akapul'ko šingotase turizmal (no murdod telustadas meres i kül'bet'randoil), sömtegimištol (maidproduktad, jomad, jä, sijaline keitand), cementan i elektrusen tehmižel. Kurortnikad oma meksikalaižed tobjimalaz.

Geografijan andmused

Lidn sijadase valdkundan suves, Tünen valdmeren süvän merikaran randal, 30 m ü.m.t. keskmäižel korktusel.

Matkad štatan administrativižhe Čil'pansingo de los Bravo-keskushesai om 80 km pohjoižpäivnouzmha-pohjoižhe orhal vai 86 km avtotedme, Mehikohosai om 295 km pohjoižhe orhal vai 375 km avtotel.

Klimat om tropine kaks'sezonine, päivoikaz lujas päiči vihmsezonas. Il'man keskmäine lämuz om +26,8..+28,7 C° kuidme voden aigan. Paneb sadegid 1337 mm vodes, enamba kezakus-sügüz'kus (247..310 mm kus). Il'man keskmäine relätivine nepsuz vajehtase 72..78 % röunoiš vodes läbi. Meriveden keskmäine lämuz vajehtase kuidme +28,1..+30,0 C° röunoiš.

Eläjad

Vn 2010 Meksikan rahvahanlugemižen mödhe lidnan eläjiden lugu oli 673 479 ristitud. Kaikiš suremb ristitišt om nügüd'. Läz 1 mln eläjid om ezilidnoidenke 3 538 km² pindal.

Transport

Avtobusad, taksid i valdkundaližed maršruttaksid («kolektivo») oma kundaližeks transportaks lidnas. Laivkruizad ratas kurortnikoiden täht.

Rahvahidenkeskeine civiline Akapul'ko-lendimport^[1] Huan Al'vares-jenaralan nimed (ACA / MMAA, 894 tuh. passažiroid vl 2023) sijadase 26 km suvipäivnouzmha lidnan keskuzpalaspäi. Tehtas reisid Torontoho, Monrealihe i Hjustonhasai, mugažo Meksikan järedoihe lidnoihe (Mehikoho päpaloin, Tihuan, Monterrei, Gvadalahar).

Homaičendad

↑ Rahvahidenkeskeižen Akapul'ko-lendimportan andmused (aeropuertoacapulco.oma.aero). (isp.) (angl.)

Irdkosketused

Lidnan tobmuden sait (acapulco.gob.mx). (isp.)

Akapul'ko Vikiaitas

[1] Rahvahidenkeskeižen Akapul'ko-lendimportan andmused (aeropuertoacapulco.oma.aero). (isp.) (angl.)

[1]