Mehiko

Vikipedii
Hüpähtada: navigacii, Ecind
Mehiko
Ciudad de México
 Lidnanznam
Coat of arms of Mexican Federal District.svg
 Flag
Flag of Mexican Federal District.svg
Valdkund Meksik
Eläjiden lugu (2015) 8 918 653 ristitud
Pind 1 485 km²
MehikoCiudad de México
Pämez' Migel' Anhel' Mancera Espinosa (2 012-)
Telefonkod +52-55
Aigvö tal'vel UTC-6 
kezal UTC-5


Mehiko (isp.: Ciudad de México) om Meksikan pälidn (vspäi 1821) da kaikiš suremb lidn. Se om valdkundan federaline ümbrik oficialižikš.

Istorii[redaktiruida | redaktiruida purde]

Lidnan aluz om pandud ispanijalaižil vl 1521 muretud Tenočtitlanan (actekiden pälidn) sijas. Uz' nimi om sündnu ispanijalaižil heiden vägitungendan aigan: Mehitli om actekiden sodajumalan nimi.

Vl 1985 sügüz'kun 19. päiväl jäl'gmäine sur' manrehkaiduz tegihe lidnas, 10 tuhad ristituid pölištuiba.

Geografijan andmused[redaktiruida | redaktiruida purde]

Lidnaglomeracii vl 2006:      Lidnalaine pertišt      Federaline ümbrik (Mehiko-lidn)      Mehiko-štatan pohjoižpäivnouzmaižed municipalitetad (58)      Idal'go-štatan municipalitet (1)

Lidn sijadase valdkundan suves, Meksikan mägišton katl'uses, 2240 m valdmeren pindan päl keskkorktusel. Viž vulkanad ümbärtas lidnad (korktuz 3500-3930 m).

Klimat om subtropine. Keskmäine lämuz om +15...+20°C vodes ümbri. Paneb sadegid 846 mm vodes. Kuiv sezon om kül'mkus-sulakus (66 mm pol'vodes). Pölütorokad da manrehkaidused oma paksud.

Federaline Mehiko-ümbrik alajagase 16 rajonha (isp. üks'lugu: demarcación).

Eläjad[redaktiruida | redaktiruida purde]

Vn 2010 rahvahanlugemižen mödhe, lidnan eläjiden lugu oli 8 851 080 ristitud. Enamba 21 mln ristituid elädas Mehikon lidnaglomeracijas.

Metisad i katolikad oma enambuses lidnan eläjiden keskes.

Transport[redaktiruida | redaktiruida purde]

Metro, kiruhtramvai, kiruhavtobusad, avtobusad da trolleibusad, taksid da maršruttaksid (isp. peseros) oma kundaližeks transportaks lidnan südäimes. Vspäi 1969 metro radab lidnas da sen erasiš kaimdailidnoiš (vl 2016 12 jonod, 195 stancijad, 226,5 km raudted).

Benito Huaresan nimel nimitadud Mehikon rahvahidenkeskeine civiline lendimport (MEX) seižub 2230 metrad ülemba valdmeren tazopindad, sijadase 5 km päivnouzmha lidnan keskusespäi. Sišpäi tehtas reisid AÜV:oihe, Evropha i Suviamerikan äjihe maihe, mugažo Meksikadme. Uz' lendimport linneb 16 km pohjoižpäivnouzmha lidnan keskusespäi, se om sauvomižes vspäi 2014.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]


Pohjoižamerikan pälidnad
Baster | Bel'mopan | Bridžtaun | Gvatemal-lidn | Havan | Kastri | Kingstaun | Kingston | Managua | Mehiko | Nassau | Ottav | Panam-lidn | Port-o-Prens | Port of Spein |
| Rozo | San Hose | San Sal'vador | Santo Domingo | Sent Džons | Sent Džordžes | Tegusigal'p | Vašington