Kingston (Jamaik)

Kingston

Valdkund	Jamaik
Eläjiden lugu (2012)	576,946 ristitud
Pind	480 km²
Pämez'	Delroi Uil'jams (2017—)
Telefonkod	+1−876
Aigvö	UTC−5

Kingston (mugažo anglijan kelel) om Jamaikan pälidn da kaikiš suremb lidn.

Lidn om valdkundan ižandusen päkeskuz da kaikiš järedamb port. Se om Amerikan kaikiš suremb anglijankel'ne lidn suvipolehe AÜV:oišpäi.

Istorii

Eländpunktan aluz om pandud vl 1692 anglijalaižil. Vl 1962 Kingston kändihe pälidnaks Jamaikan ripmatomuden sandan jäl'ghe, no völ vl 1872 sijazihe Jamaikan koloniališt administracijad lidnas.

Vl 1976 vilukus rahvahidenkeskeine kožundkirjutez Jamaikan valütsisteman polhe oli allekirjutadud lidnas.

Geografijan andmused

Lidn sijadase Jamaik-saren suvipäivnouzmaižel randištol.

Klimat om tropine, lujas räk. Kun päiväline keskmäine lämuz om +26..+29 C° vodes läbi. Paneb sadegid 813 mm, sidä kesken kuivsezonan aigan (viluku-keväz'ku) — vaiše 57 mm.

Administrativiž-territorialine jagand

Lidn otab kahten tulendan territorijad paloin: Kingston da Sent Endrü. Molembiš neniš tulendoiš om völ lidnoid — Kingstonan ezilidnoid, se om «Sur' Kingston».

Kingston jagase 21 počtanzonaks territorialižikš.

Eläjad

Vl 2012 arvoindan mödhe eläjiden lugu oli 576 946 ristitud.

Kingstonan goll'fartalad oma reggi-muzikan kodima.

Transport

Menlin Normanan (angl.: Norman Manley) nimel nimitadud rahvahidenkeskeine civiline lendimport (KIN) sijadase suvhe lidnan keskusespäi Palisados-čirakol. Sišpäi da sihe tehtas reisid lähižihe Kariban maihe, AÜV:oihe da Surhe Britanijha tobjimalaz. Tinson Pen-aerodrom (KTP) sijadase läz lidnan portad, otab vaiše südäireisid.

Sebruzlidnad

• Meksik Gvadalahar, Meksik (vspäi 1976)
• AÜV Kalamazu, Mičigan, AÜV
• Sur' Britanii Koventri, Anglii, Sur' Britanii (1962)
• Kitai Šen'čžen', Guandun, Kitai (1995)

Irdkosketused

• Municipaližen «Kingston da Sent Endrü»-korporacijan oficialine sait (ksamc.gov.jm). (angl.)