Baltika (oludenkeituden kompanii)

«Baltika»-kompanijan produkcii laukas

Oludenkeituden «Baltika»-kompanii (ven.: Пивоваренная компания «Балтика») om kaikiš suremb venämalaine oludenkeituden kompanii. Päfater sijadase Piteriš.

Kompanijan ezmäine tegim radaškanzi Piteriš vl 1990 kuti «Baltika — Sankt-Peterburg». Taimuraz Bolloev-edheotai osetijan augotižlibundanke oli sen tegimen direktoran, sid' pädirektoran i prezidentan vll 1991−2004. Edheotand oli privatiziruidud, oli avoinudeks akcionersebraks vll 1998−2014. Vll 2012−2014 danine Carlsberg Group-kompanii lainzi «Baltikad» i kändihe sen üks'jäižeks valdoičijaks skandinavižen Baltic Beverages Holding-kompanijan kal't. Vl 2021 kompanijan radnikoiden lugu oli 8860 ristitud. Tehmižlavuded sijadasoiš neniš lidnoiš: Piter (pätegim), Habarovsk, Jaroslavl', Novosibirsk, Rostov Donal, Samar (Kinel'skii-žilo), Tul, Voronež, verhiš maiš — Baku. Edel vn 2015 semendkud tegimed radoiba Krasnojarskas i Čeläbinskas mugažo.

Venälamaine kompanii pästab produkcijad enamba mi kaks'kümnen torguindmarkan al, oluden ližaks ned oma vas, mineralvezi, energetižed jomad.

Irdkosketused

• «Baltika»-kompanijan oficialine sait (corporate.baltika.ru). (ven.) (angl.)

Nece kirjutuz om vaiše ezitegez. Tö voit abutada meile, ku kohendat sidä da ližadat sihe.