Bor (žilo)
Flag
| |
| Valdkund | Venäma |
| Eläjiden lugu (2023) | 4,478 ristitud |
| Telefonkod | +7−81 361-xx-xxx |
| Avtokod | 47 |
| Aigvö | UTC+3 (MSK+0) |
Sil sanal voib olda toižid znamoičendoid; miše nähta niid, tulgat tänna.
Bor (ven.: Кра́сный Бор, suom.: Punaporu) om lidnanvuitte žilo Leningradan agjan Tosnon rajonan lodehes. Se om Boran lidnankundan administrativižeks keskuseks.
Istorii[vajehta | vajehtada tekst]
19. voz'sadal koume Popovk-mizad (ven.: мыза Поповка) oliba žilon sijas, erižed pidajad oliba niil. Raudteplatform om Piter — Moskv-keskustal vspäi 1874 i nimitase Popovk:aks tähäsai. Kezaküläpertiden žilo mainitase nügüdläiženke nimenke vspäi 1917. Mülüb Tosnon rajonha vn 1930 heinkuspäi. Sai lidnanvuiččen žilon statusad vl 1935. Suren sodan aigan oli okkupiruidud territorijal (1. sügüz'ku 1941 — 31. tal'vku 1943).
Lidnanvuitte žilo šingotase Boran tegimištzonal 2,7 nellikkilometrad pindal. Sadas pudotadud sauvondmaterialid kar'jeral lidnankundan territorijal. Ühtennimine jändusiden poligon[1] (73 ga) läz žilod konserviruiše vspäi 2014, jändusiden ümbriradmižen tegim radab senno.
Geografijan andmused[vajehta | vajehtada tekst]
Žilo sijadase lidnankundan keskuzpalan suves. Matkad žilospäi Tosnohosai om 30 km suvipäivnouzmha. Lähembaižed lidnad oma Kolpino (Piter) ani lodeheze i Nikol'skoje ani päivnouzmha lidnankundaspäi.
Kaik koume pen't küläd mülüdas lidnankundha žilon ližaks: Miškino (Мишкино, 39 rist. vl 2017), Porkuzi (1 rist. vl 2017), Feklistovo (16 rist. vl 2017). Lidnankundan pind — 76,17 km².
Eläjad[vajehta | vajehtada tekst]
Vn 2010 Venäman rahvahanlugemižen mödhe žilon eläjiden lugu oli 5 033 ristitud, kaiken Boran lidnankundan 5 079 ristitud, vl 2021 4 649 ristitud elihe žilos. Kaik 5 225 eläjad oli žilos vl 2017. Kaikiš suremb žilon ristitišt oli 12 136 eläjad vl 1939.
Rahvahad (enamba 0,4 % vl 2010): venälaižed — 88,4 %, čiganalaižed — 2,5 %, ukrainalaižed — 1,3 %, totarlaižed — 0,9 %, vaugedvenälaižed — 0,9 %, tadžikalaižed — 0,6 %, armenijalaižed — 0,4 %, azerbaidžanlaižed — 0,4 %, korejalaižed — 0,4 %, toižed rahvahad — 2,0 %, rahvahuden ozutandata — 2,2 % (jäl'gmäižiden keskes 25,9 % mahttas pagišta venäkelel).
Erased igähižed rahvahad: suomalaižed — 6 rist. (0,12 %)[2].
Homaičendad[vajehta | vajehtada tekst]
- ↑ Boran poligonan sait (poligonkb.spb.ru). (ven.)
- ↑ Национальный состав и владение языками, гражданство населения Ленинградской области (Leningradan agjan rahvahaline mülükund, ristitišton kel'mahtod da rahvahanikuz.) / Стат. сборник. Часть 1. — СПб.: Петростат, 2013. — 266 lpp. — Lpp. 84−85. (ven.)