Erdenet

Erdenet
Эрдэнэт
	Lidnanznam;
Valdkund	Mongolii
Eläjiden lugu (2021)	100,728 ristitud
Pind	208 km²
Telefonkod	+976-(0)703
Aigvö	UTC+8

Erdenet (mong.: Эрдэнэт «kalližarvoine») om lidn Mongolijan keskuzpalan pohjoižes. Se om valdkundan kahtenz' lidn eläjiden lugun mödhe, Orhonan agjan administrativine keskuz (vspäi 1992).

Istorii[vajehta | vajehtada lähte]

Eländpunktan aluz om pandud vl 1972 otmaha kävutamižhe vas'kižmolibdenižen Erdenetijn-ovoo-löudmižsijan. Radnikžilo sai lidnan statusad vn 1975 11. päiväl tal'vkud. Järed küllästamižtegim radab vspäi 1978, saudihe nelläs vodes. Sen pästand ližadub, vl 2007 ümbriradoihe kivendon 25 mln tonnoid, vl 2021 — 32 mln tonnoid, voziden 2020−2022 rekonstrukcii i ližajono laskeb ümbrirata 38 mln tonnoid vodes. Edheotand pästab vas'ken sadad tuhad tonnoid i molibdenan tuhad tonnoid koncentratas. Pälöudmižsijan varoid täudub, miše rata vhesai 2060.

Erdenet šingotase mugažo kebnal tegimištol (kourad, villtegesed) i sauvondmaterialiden tehmižel (sidä kesken mecan ümbriradmine).

Geografijan andmused[vajehta | vajehtada lähte]

Lidn sijadase Selengan i Orhonan jogidenkeskeižes, 1280 m ü.m.t. keskmäižel korktusel. Matkad Ulanbatarhasai om 340 km suvipäivnouzmha. Erdenet-stancii radab sarakon Salhit-stancijaspäi lopus, se Salhit sijadase Transmongoližel raudtel.

Klimat om terav kontinentaline mägiden, tal'v om pit'k kuiv. Voden keskmäine lämuz om +1,3 C°, kezakus-elokus +16..+18 C°, kül'mkus-keväz'kus −8..−13 C°. Paneb sadegid 341 mm vodes, niišpäi 228 mm kezakus-elokus.

Eläjad[vajehta | vajehtada lähte]

Vn 2000 Mongolijan rahvahanlugemižen mödhe eläjiden lugu oli 68 310 ristitud, vn 2011 — 92 tuhad ristituid. Kaikiš suremb ristitišt om nügüd'. Om äi radnikoid enččen NSTÜ:n maišpäi tähäsai.

Mongolijan tedon da tehnologijan universitetan (Ulanbatar) filial radab lidnas.