Ulanbatar

Vikipedii
Jump to navigation Jump to search
Ulanbatar
Улаанбаатар
 Lidnanznam
Ulaanbaatar.svg
 Flag
Flag ulaanbaatar.svg
Valdkund Mongolii
Eläjiden lugu (2017-11) 1 405 000 ristitud
Pind 4 704,4 km²
Ulanbatar Улаанбаатар
Telefonkod +976-(0)11
Aigvö UTC+8


Ulanbatar (mong.: Улаанбаатар [ʊɮɑːŋ.bɑːtʰɑ̆r] «rusked bagatir'») om Mongolijan pälidn da kaikiš suremb lidn. Se om valdkundan opendusen i tedon, politikan i ižandusen keskuz, järed transporttesol'm.

Istorii[redaktiruida | redaktiruida purde]

Eländpunktan aluz om pandud vl 1639 kuti Urguu (mong.: Өргөө «tetaban mehen pert'kulu»). Vll 1706−1911 nimitihe Ih-hure (mong.: Их-Хурээ «järed jumalankodi»). Vspäi 1924 om nügüdläiženke nimenke.

Geografijan andmused[redaktiruida | redaktiruida purde]

Lidn sijadase valdkundan keskuzpalan pohjoižpäivnouzmas, Tuul-jogen (mong.: Туул гол, Selengan oigedpol'ne bassein) i sen koumen oiktan ližajogen randoil, 1350 m ü.m.t. keskmäižel korktusel. Bogd Han Uul-pühämägi (2256 m) mülüb lidnha, om sen suvipalaks i kaikiš korktembaks čokkoimeks. Ulanbatar röunatab Tuve-agjal kaikiš polišpäi.

Mägiklimat om teravan kontinentaližen pirdoidenke, tal'v om lujas vilu no kuiv. Heinkun lämuz om +18,2 C°, vilukun — −21,6 C°, voden keskmäine lämuz om −0,4 C° (kaikiš vilumb pälidn mail'mas). Absolütine minimum oleskeli −42,2 C°. Paneb sadegid 267 mm vodes, kezakus-elokus tobjimalaz (46..70 mm kus).

Ulanbatar jagase ühesha rajonha (mong.: дүүрэг), ned alajagasoiš 152 fartalaks-mikrorajonaks (mong. хороо, 2014).

Eläjad[redaktiruida | redaktiruida purde]

Vl 2013 eläjiden lugu oli 1 372 000 ristitud, valdkundan nell' ühesandest. Kaikiš suremb lidnan ristitišt om nügüd'.

Transport[redaktiruida | redaktiruida purde]

Ulanbatar sijadase transmongoližel raudtel. Avtobusad, trolleibusad, duobusad i maršruttaksid oma kundaližeks transportaks lidnas. Vspäi 2014 kebnan metron jono radab (8 stancijad, 18 km raudted), siš-žo vodespäi kiruhjonuz ühtenzoitab Darhan-lidnanke. Valdkundan kaik jonused ajadas lämuzvedimil (vn 2017 andmused).

Rahvahidenkeskeine civiline Ulanbataran lendimport Čingishanan nimed (ULN, 1 mln passažiroid vl 2016) sijadase 18 km suvipäivlaskmha lidnan keskusespäi. Tehtas reisid Azijan maiden lähižihe lidnoihe da pälidnoihe i Mongolijadme. Vspäi 2012 uz' Hušigt-lendimport (UBN) om sauvomas 52 km suvhe lidnan keskusespäi vodele 2019, kiruhte ühtenzoitab Ulanbataranke.

Homaičendad[redaktiruida | redaktiruida purde]


Irdkosketused[redaktiruida | redaktiruida purde]



Azijan pälidnad
Abu Dabi | Amman | Ankar | Ašhabad | Bagdad | Baku | Bandar Seri Begavan | Bankok | Beirut | Biškek | Dakk | Damask | Dili | Doh | Džakart | Dušanbe | El' Kuveit | Hanoi | Islamabad | Jerevan | Jerusalim | Kabul | Katmandu | Kuala Lumpur | Male | Manam | Manil | Maskat | Naip'jido | Nikosii | Nur-Sultan | Pekin | Phen'jan | Pnompen' | Rijad | Sanaa | Seul | Singapur | Šri Džajavardenepura Kotte | Taškent | Tbilis | Tehran | Thimphu | Tokio | Ulanbatar | Uz' Deli | V'jent'jan