Mine sisu juurde

Bandar Seri Begavan

Vikipedii-späi
Bandar Seri Begavan
بندر سري بڬاوان / Bandar Seri Begawan
Valdkund Brunei
Eläjiden lugu (2010) 140,000 ristitud
Pind 100,36 km²
Bandar Seri Begavan بندر سري بڬاوان / Bandar Seri Begawan
Telefonkod +673−22
Aigvö UTC+8


Bandar Seri Begavan (malain kelel: بندر سري بڬاوان / Bandar Seri Begawan) om Brunein pälidn da kaikiš suremb lidn.

Pälidn sijadase kaikiš penembas da kaikiš tihedašti elänzoittud Brunei da Muar-ümbrikos (279 924 eläjad vl 2011[1]).

Lidnan nimi[vajehta | vajehtada tekst]

Vhesai 1970 lidnan nimi oli Brunei-lidn. Vn 1970 5. päiväl redukud udesnimitihe lidnad enččen Omar Ali Saifuddin-sultanan oiktastuseks. Uz' lidnan nimi znamoičeb «Hänen prostitadud lidn» malaikš. Bandar farsikš da Indijan kelil znamoičeb «kar» vai «port» vai «taivaz». Seri om sanskritan श्री Sri-sanaspäi, znamoičeb «emänd» vai «ižand». Begavan sündui sanskritan भगवान bhagavān-sanaspäi «ülähäine», «jumal».

Istorii[vajehta | vajehtada tekst]

Eländpunktan aluz om pandud vl 1920 britanižen tobmuden aigan.

Bandar Seri Begavan šingotase pälidnan funkcijoil, valdkundaližil holitišil, torguindal, sauvondal, pumaterialiden i meblin pästandal, tekstil'tegimištol, käzitöiden edheotandoil (rahvahaližed pramozlad).

Geografijan andmused[vajehta | vajehtada tekst]

Lidn sijadase Kalimantan-saren lodehes, seižub Brunei-jogen pohjoižel randal, Suvikitain meren randpolel, seičeme metrad ü.m.t. keskmäižel korktusel.

Klimat om ekvatorialine neps. Voden keskmäine lämuz om +27,6 C°, kuidme +27..+28,1 C° vodes läbi. Ekstremumad oma +18,4 C° (viluku) i +38,3 C° (keväz'ku). Paneb sadegid 3147 mm vodes, enamba kül'mkus (371 mm) i tal'vkus (357 mm), vähemba uhokus-keväz'kus (162..172 mm kus).

Vn 2007 1. päiväl elokud Brunein sultan ližazi pindad lidnale läz kahesha kerdha: 12,87 km² oli, 100,36 km² linni.

Administrativine jagand[vajehta | vajehtada tekst]

Bandar Seri Begavan jagase 15 rajonaks (mukim:aks).

Transport[vajehta | vajehtada tekst]

Avtobusad (kuz' maršrutad) i katerad-taksid oma kundaližeks transportaks lidnas, ned-žo ühtenzoittas ezilidnoidenke.

Brunein rahvahidenkeskeine civiline lendimport[2] (BWN / WBSB, malaikš: Lapangan Terbang Antarabangsa Brunei) sijadase 11 km lidnan keskusespäi. Tehtas reisid lähižiden maiden pälidnoihe, toižed vasttuzlidnad oma Hošimin, Honkong, London, Dubai, Mel'burn, Tokio, om sezonreisid Džiddha.

Homaičendad[vajehta | vajehtada tekst]

  1. Brunei Darussalam - An Introduction //Brunei Darussalam Statistical Yearbook 2011. Department of Statistics, Brunei. — Department of Economic Planning and Development, Prime Minister's Office (depd.gov.bn). — Lpp. 28, 39. (malain) (angl.)
  2. Brunei-lendimportan informacine sait (brunei-airport.com). (angl.)

Irdkosketused[vajehta | vajehtada tekst]



Azijan pälidnad
Abu Dabi | Amman | Ankar | Astan | Ašhabad | Bagdad | Baku | Bandar Seri Begavan | Bankok | Beirut | Biškek | Dakk | Damask | Dili | Doh | Džakart | Dušanbe | El' Kuveit | Hanoi | Islamabad | Jerevan | Jerusalim | Kabul | Katmandu | Kuala Lumpur | Male | Manam | Manil | Maskat | Naip'jido | Nikosii | Pekin | Phen'jan | Pnompen' | Rijad | Sanaa | Seul | Singapur | Šri Džajavardenepura Kotte | Taškent | Tbilis | Tehran | Thimphu | Tokio | Ulanbatar | Uz' Deli | V'jent'jan