Beirut
Lidnanznam
|
Flag
|
| Valdkund | Livan |
| Eläjiden lugu (2014) | 361,366 ristitud |
| Pind | 19,8 km² |
| |
| Pämez' | Džamal' Itani (semendku 2016—, جمال عيتاني) |
| Telefonkod | +961−01 |
| Aigvö | tal'vel UTC+2, kezal UTC+3 |
Beirut (arab.: بيروت Bairūt) om Livanan pälidn da kaikiš suremb lidn. Se om valdkundan ižandusen da opendusen keskuz, sädab erilišt muhafazad (agjad).
Istorii[vajehtada | vajehtada lähte]
Eländpunkt om olmas 30. voz'sadaspäi EME. Mainitase ezmäižen kerdan finikijan 𐤁𐤀𐤓𐤕-nimenke (Barut), Amuižen Egiptan eläjad ottihe lidnan portoid kävutamižhe. Beirut sai enamba znamoičendad Rimalaižen imperijan aigan kuti oiktusentedon keskuz.
Olnu vspäi 1975 Livanan rahvahanikoiden soda toi äi vigoid lidnale, vspäi 2000 lidnan istorine keskuz om läz udessündutadud. Araban sportvändod oliba lidnas vll 1957, 1997 i 2015.
Beirut šingotase bankingal, tekstilin da kengiden pästandal, sömtegimištol, turizmal i torguindal, painandan edheotandoil, meriportal.
Geografijan andmused[vajehtada | vajehtada lähte]
Lidn sijadase valdkundan päivlaskmas, Livanan Keskmeren randišton keskpalas, sen nemel.
Klimat om Keskmeren kaks'sezonine. Voden keskmäine lämuz om +20,9 C°, kezakun-redukun +24,1..+27,8 C°, tal'vkun-keväz'kun +14..+16 C°. Ekstremumad oma +0,2 C° (keväz'ku) i +40,4 C° (heinku). Kezaaigan minimum om +15 C° (kezaku), tal'vaigan maksimum om +30,5 C° (uhoku). Paneb sadegid 825 mm vodes, enamba tal'vkus (164 mm) i vilukus (191 mm), kuiv sezon oleskeleb kezakus-sügüz'kus (viž millimetrad pordos).
Beirut jagase 12 fartalaks, ned alajagasoiš 59 sektoraks.
Eläjad[vajehtada | vajehtada lähte]
Vl 2014 lidnan eläjiden lugu oli 361 366 ristitud. Kaik 2,2 mln ristituid elihe Sures Beirutas 200 km² pindal vl 2016, sen rajonad sijadasoiš Mägilivan-agjas.
Religijan mödhe (arni lidn, nimikirjutesen mödhe vn 2009 valičendoiden aigan): sunnitad — 45 %, hristanuskojad — 39 %, šiitad — 14 %, judaistad — 1 %, druzad — 1 %, alavitad — 218 ristitud.
Transport[vajehtada | vajehtada lähte]
Avtobusad i velosipedad oma kundaližeks transportaks lidnas. Meriport radab. Avtobusad ühtenzoittas ezilidnoidenke i edemba, mugažo Sirijan suridenke lidnoidenke.
Beirutan rahvahidenkeskeine civiline lendimport Rafik Hariri-päministran nimed[1] (BEY / OLBA, 6,3 mln passažiroid vl 2022) sijadase ühesas kilometras suvhe lidnan keskusespäi, sen suvižiš ezilidnoiš. Tehtas reisid lähižiden maiden surihe lidnoihe i lebutahoiže, Saksanman surihe lidnoihe, Päivlaskmaižen Evropan pälidnoihe, Stokhol'mha.
Homaičendad[vajehtada | vajehtada lähte]
Irdkosketused[vajehtada | vajehtada lähte]
- Lidnan tobmuden sait (beirut.gov.lb). (arab.) (angl.) (fr.)
 |
Beirut Vikiaitas |
| Azijan pälidnad | ||
| Abu Dabi | Amman | Ankar | Astan | Ašhabad | Bagdad | Baku | Bandar Seri Begavan | Bankok | Beirut | Biškek | Dakk | Damask | Dili | Doh | Džakart | Dušanbe | El' Kuveit | Hanoi | Islamabad | Jerevan | Jerusalim | Kabul | Katmandu | Kuala Lumpur | Male | Manam | Manil | Maskat | Naip'jido | Nikosii | Pekin | Phen'jan | Pnompen' | Rijad | Sanaa | Seul | Singapur | Šri Džajavardenepura Kotte | Taškent | Tbilis | Tehran | Thimphu | Tokio | Ulanbatar | Uz' Deli | V'jent'jan | ||