Bagdad

Vikipedii
Hüpähtada: navigacii, Ecind
Bagdad
بغداد‎
(Baġdād)
Valdkund Irak
Eläjiden lugu (2016) 7 180 889 ristitud
Pind 204,2 km²
Bagdadبغداد‎(Baġdād)
Pämez' Zikra Al'-Višč (2 015-)
Telefonkod +964-1
Aigvö UTC+3


Bagdad (arab.: بغداد‎ Baġdād — «Ülähaižel anttud») om Irakan pälidn da kaikiš suremb lidn, ühtennimižen agjan pälidn mugažo. Bagdad om araban mail'man kahtenz' surtte lidn (Kairan jäl'ghe), Päivlaskmaižen Azijan kahtenz' surtte lidn (Tehranan jäl'ghe).

Lidn om valdkundan järed transporttesol'm, openduz- da kul'turkeskuz. Irakan kogosüdäiproduktan kaks' videndest tehtas Bagdadas.

Bagdad om tetab kuti «Tuha da üks' ö»-sarnan pälidn.

Istorii[redaktiruida | redaktiruida purde]

Lidnan aluz om pandud Tigr-jogen päivlaskmaižel randal vl 762 meiden erad heinkun 30. päiväl. Se oli pandud kuti Abbasidoiden halifatan pälidn vajehtamha Damaskad.

Vozil 2003-2011 lidn oli alištunu AÜV:oiden sodavägile.

Geografijan andmused[redaktiruida | redaktiruida purde]

Lidnan nägu Man kaimdajaspäi (1996).

Bagdad sijadase Irakan keskuses, Tigr-jogen molembil randoil, 34 m valdmeren pindan päl keskmäižel korktusel.

Klimat om subtropine kuiv. Vilukun kesklämuz om +10°C, heinkus da elokus +34°C. Paneb 122 mm sadegid vodes, ei ole sadegid kezakus-sügüz'kus. Pölü- da letetorokad («hamsin:ad») todas lodehližil tulleil semendkus-kezakus.

Lidn jagase 9 administrativižhe ümbrikho, ned alajagasoiš 89 lidnanlaptha.

Eläjad[redaktiruida | redaktiruida purde]

Islaman uskojad oma ristitišton enambuz (90%). Sunnitad oliba enambuses vhesai 2003, sid' šiitad saiba enamba oiktusid AÜV:oile alištusen aigan. Vspäi 2014 om äi pagenikoid, sidä kesken hristanuskojid, hö elädas lidnas da sen ümbrištos ILIV:an tulendan tagut valdkundan pohjoižhe.

Transport[redaktiruida | redaktiruida purde]

Ezilidnelektrojonused da taksid oma kundaližeks transportaks lidnan südäimes. Kebn metro om sauvomas vspäi 2008.

Rahvahidenkeskeine soda- da civiline da Bagdad-lendimport (arab. مطار بغداد الدولي Matar Baġdād Ad Dovali) (BGW) sijadase 16 km päivlaskmha lidnan keskusespäi. Sišpäi tehtas passažirreisid Azijan lähižihe maihe (Turkanman da Iranan lidnad tobjimalaz), Kairha, Evropan pohjoižihe maihe da Irakadme.

Sebruzlidnad[redaktiruida | redaktiruida purde]

Bagdadal om viž sebruzlidnad:

Homaičendad[redaktiruida | redaktiruida purde]


Irdkosketused[redaktiruida | redaktiruida purde]


Azijan pälidnad
Abu Dabi | Amman | Ankar | Astan | Ašhabad | Bagdad | Baku | Bandar Seri Begavan | Bankok | Beirut | Biškek | Dakk | Damask | Dili | Doh | Džakart | Dušanbe | El' Kuveit | Hanoi | Islamabad | Jerevan | Jerusalim | Kabul | Katmandu | Kuala Lumpur | Male | Manam | Manil | Maskat | Naip'jido | Nikosii | Pekin | Phen'jan | Pnompen' | Rijad | Sanaa | Seul | Singapur | Šri Džajavardenepura Kotte | Taškent | Tbilis | Tehran | Thimphu | Tokio | Ulanbatar | Uz' Deli | V'jent'jan